Florida, bllokohen në terminalin e aeroportit

Vonimi i fluturimit tuaj është një bezdi e madhe, por të mbyllesh në një terminal të aeroportit është edhe më keq. Robert Rega, i cili kishte pritur për tre orë për shkak të vonesave nga moti, ishte një nga 99 personat e bllokuar në aeroportin e Daytonas (Daytona Beach International Airport) derisa fluturimi i tyre arriti pas disa orësh për shkak të vonesës në Atlanta.

"Të jesh i mbyllur brenda zonës së portës - është një çmenduri. Që në fillim, të gjithë ishim të stresuar nga pritja për udhëtimin" tha Rega, i cili punon për IBM.

Rega tha se ka telefonuar dy herë 911 sepse përfaqësuesit e zyrës së sherifit, të cilët patrullonin aeroportin, nuk mund të gjendeshin.

Zëdhënësi i DBIA Steve Cooke tha se incidenti kishte të bënte me rrëzimin e komunikimit ndërmjet përfaqësuesve të zyrës së sherifit, veprimeve të personelit të aeroportit dhe linjave ajrore.

"Ishte një gabim fatkeq i cili nuk do të ndodhë kurrë. Kam qënë këtu prej 12 vitesh dhe kurrë nuk ka ndodhur më parë" tha Cook.

(albeu.com)