Pak ditë para marrjes së vendimit për pagesën e ndihmave të tjera miliardëshe për Greqinë e futur thellë në borxhe, komisioneri i BE-së për monedhën Olli Rehn kërkoi një marrëveshje të shpejtë për masat e nevojshme të kursimeve. Rehn tha për gazetën "Die Welt" se nuk ka më kohë për negociata të stërgjatura. Tani është e domosdoshme që të gjitha partitë politike, edhe partitë opozitare të sillen në mënyrë "konstruktive". Ato duhet të vendosin për programin e reformave të kërkuar nga Bashkimi Evropian dhe Fondi Monetar Ndërkombëtar. Reformat ekonomike dhe programi i kursimeve janë njëkohësisht një "provë" për të gjithë shoqërinë greke.
Të dielën, në qytetet greke në ditën e pestë me radhë ka pasur protesta masive kundër kursit të rreptë të kursimeve. Vetëm në Athinë sipas të dhënave të policisë demonstruan 20 mijë njerëz.
(www.gazetaexpress.com)
No comments:
Post a Comment