Njeriu që nuk jeton dot pa salçiçe

Ngrënia e salçiçeve mund të kthehet në një simptomë. Kjo në fakt ka ndodhur me 47-vjeçarin britanik, David Harding, i cili nuk mund të rrijë dot asnjë ditë pa ngrënë salçiçe. Dhe nuk ha pak, por 13 copë në ditë. Për t’u shëruar nga kjo “sëmundje”, ai ka provuar gjithçka, që nga terapia, deri tek hipnoza. Për këtë ka shpenëzuar mbi dy mijë paund, por sërish nuk ka arritur që të shkëputet nga dashuria për salçiçet. David, baba i tre fëmijëve, thotë se thjesht nuk mundet ta mendojë jetën pa salsiçe dhe është bërë i varur nga to. Ai ka nisur që të hajë salçiçe që në moshën 5-vjeçare dhe tashmë ka blerë një frigorifer të veçantë, ku mban salçiçet e veta të dashura.

(www.gazetatema.net)