Kolegji Zgjedhor ka vendosur të pushojë kërkesën e Partisë Socialiste për "Detyrimin e Komisionit Qendror të Zgjedhjeve për të marrë një vendim për miratimin e tabelës përmbledhëse për Rezultatin e KZAZ 49". Kolegji ka rrëzuar këtë kërkesë pasi KQZ e ka miratuar rezultatin përmbledhës për këtë KZAZ pavarësisht se ky veprim është bërë me vonesë. Në këtë mënyrë Kolegji ka lënë në fuqi vendimin e KQZ-së. Damian Gjiknuri, deputet i Partisë Socialiste që është edhe pjesë e përfaqësuesve ligjor në Kolegj tha se shqyrtimi i çështjes në themel nuk ka përfunduar ende."Gjykimi në themel nuk ka përfunduar. Kolegji mund të jepte një vendim të drejtë edhe sot se argumentat tona ishin të qarta. Pra dorëzimi i tabelave ishte bërë sipas ligjit por kolegji tha se KQZ e ka marrë një vendim. Ne kemi paraqitur kërkesën për 1 tabelë përfundimtare të rezultatit, dhe akti tjetër që ne e quajmë si normativ dhe kemi kërkuar të shpallet i pavlefshëm. Çështja nuk ka mbaruar megjithëse po ju përsëris se Kolegji i kishte të gjitha provat që të jepte edhe sot një vendim që KQZ ka shkelur ligjin. Kolegji duhet të ngrihet përtej influencave partiake", tha Gjiknuri.
Kjo kërkesë e PS-së nuk ka të bëjë me kërkesën për "Konstatimin e pavlefshmërisë absolute të vendimit të Komisionit Qendror të Zgjedhjeve datë 18.05.2011 për vlerësimin e fletëve të votimit për kryetarin e Bashkisë, të cilat janë gjendur në kutinë e gabuar".
(shekulli.com.al)
No comments:
Post a Comment