Ende pa propozime për ndryshimet zgjedhore

 

Komisioni për reformë zgjedhore është takuar të mërkurën për të dytën herë që nga themelimi, por pa vendosur diçka konkret rreth ndryshimeve në Ligjin zgjedhor.

Kryesuesi i këtij komisioni, Haki Demolli tha se komisioni dhe anëtarët e partive që janë pjesë e këtij organi ende nuk kanë dhënë propozimet konkrete lidhur me ndryshimet zgjedhore.

Ai tha se Komisioni fillimisht po merret me funksionimin e këtij organi, ndërkohë që në fazat e mëvonshme do të evidentohen pikat në të cilën ka pasur ngecje ligji për zgjedhje.

Më pas sipas Demollit, do të ketë një debat të hapur për këto ndryshime, të cilat në fund do t’i propozohen kuvendit për miratim. 

(Telegrafi.com)