Ai Weiwei s'mund ta lëshojë Kinën

Kina ka konfirmuar lirimin me kaucion të artistit dhe aktivistit të zëshëm Ai Weiwei, por ka thënë se ai është ende nën hetime dhe nuk mund ta lëshojë Kinën “pa leje”.

Zëdhënësi i Ministrisë së Jashtme, Hong Lei nuk konfirmoi në mënyrë eksplicite, se 54 vjetari Ai është nën arrest shtëpiak, duke thënë se kushtet ishin pjesë e lirimit të tij me kaucion, pasi që artisti gjoja pranoi evazionin fiskal.

Arrestimi i Ait në prill, që u bë gjatë një aksioni të madh qeveritar kundër aktivistëve- ka shkaktuar protesta ndërkombëtare, ku qeveritë perëndimore dhe grupet për të drejtat e njeriut kanë kërkuar në vazhdimësi lirimin e tij.

(gazetaexpress.com)