Pas 14 vjet e katër muaj shkaktarët e tragjedisë së Otrantos janë dënuar nga Gjykata e apelit të Leces. Gjykata ka dhënë masën dy vjet dhe katër muaj burg për komandantin italian Fabrizio Laudadio dhe tre vjet e dhjetë muaj burg për shqiptarin Namik Xhaferi. Tragjedia e Otrantos ndodhi në 28 mars të vitit 1997, në të cilën humbën jetën 108 shqiptare. Vendimi është me i zbutur me disa muaj nga ai i dhënë më parë për kapitenin e anijes “Sibila” dhe atë të anijes shqiptare “Kateri i Rradës”. Sipas mediave italiane, vendimi erdhi ndërsa shumë prej familjarëve prisnin në ankth prej vitesh tashmë fjalën e drejtësisë. Dy të dënuarit janë akuzuar nga gjykata për vrasje nga pakujdesia dhe lëndime të shumta. (albeu.com)
No comments:
Post a Comment