KQZ, sot miratimi i tabelës së rezultatit për Tiranën

Komisioni Qendror i Zgjedhjeve pritet të miratojë mesditën e stome tabelën përmbledhëse të rezultatit të zgjedhjeve për bashkinë e Tiranës.

Miratimi i projekt aktit do të shpallë në mënyrë zyrtare fitoren e kandidatit të mazhorancës për Tiranën, Luzlim Basha me 95 vota. Ndërkohë që pas shpalljes së aktit, Partisë Socialiste i lind e drejta për të ankimuar rezultatin dhe procedurën e KQZ-së. Numërimi i votave u mbyll mesditën e djeshme dhe në shqyrtim u morën të gjitha kutitë e 11 njësive të votimit në Tiranë, pas vendimit të Kolegjit Zgjedhor.

Përfaqësues të Partisë Socialiste kanë deklaruar se do të ankohen në KQZ dhe më pas në Kolegjin Zgjedhor për rezultatin e Tiranës, duke e cilësuar atë si të papranueshëm. Pritet që PS-së ja kundërshtoj procedurën e ndjekur nga KQZ-ja, por edhe mos rakordimin e fletëve të votimit. Sipas tyre, prezenca e më shumë fletëve votimit në kuti, sesa numri i zgjedhësve që kanë votuar më tetë maj, e bënë të pavlefshëm dhe të papranueshëm procesin.

Në lidhje me procesin e zhvilluar javën e fundit në KQZ, përfaqësuesi i PS-së në këtë institucion, tha dje se procesi ishte i pa sigurt.

“Ishte një proces qesharak, një proces që në çdo pjesë të tij tregoi parregullsitë dhe me keqardhje konstatuam faktin që materiali zgjedhor nën administrimin e KQZ-së u fut në procesin e këtij hetimi të këtij komisioni, i pasigurt, shpesh herë i deformuar, me probleme të natyrave të ndryshme, ku më tipikja ishte ajo që ju e keni parë dhe të gjithë njerëzit kanë parë, basti i humbur i zotit Ristani për integritetin e një kutie që mishëronte gjithçka ndodhi në komision ku vëzhguesit tanë nxorën një zarf nga një kuti thuajse e sigurt sipas përcaktimit të KQZ-së”, tha Gjonçaj.

(noa.al)