Fenomeni i rrjeteve shoqërore në pesë vitet e fundit është thënë se ndikon në izolimin e të rinjve. Mirëpo, këto teza i kanë demantuar rezultatet e një studimi të realizuar nga “Pew Research Center”, sipas të cilit: “Njerëzit të cilët janë në Facebook kanë numër më të madh të miqve të afërt, kanë besim më të madh dhe shumë më tepër mbështetje shoqërore në raport me ata të cilët nuk i janë bashkëngjitur këtij rrjeti shoqëror”.
Po ashtu, përdoruesit e Facebookut janë më të angazhuar politikisht, sesa njerëzit që nuk janë pjesë e rrjetit.
Për këtë hulumtim, “Pew Research Center” ka analizuar 2.255 amerikanë në moshë të rritur dhe përdorimin e rrjeteve shoqërore nga ata, ndërsa nga zbulimet tjera që janë vërejtur me këtë studim është edhe fakti se përdoruesit e Facebookut mendojnë se duhet t’u besojnë shumë njerëzve. Ata marrin pjesë më shumë nëpër aktivitete politike, si dhe dalin në zgjedhe.
Në kuadër të miqve në Facebook, mesatarisht vetëm me tre për qind të tyre nuk janë takuar asnjëherë në jetë, kurse zakonisht dominojnë lidhjet me ata me të cilët kanë raporte solide edhe në jetë të përditshme.
Mesatarisht brenda ditës: 15 për qind e përdoruesve e azhurnojnë statusin e vet, 22 për qind komentojnë në statuset e tjerëve, ndërsa 20 për qind komentojnë fotografitë e miqve të tyre.
Aktualisht, 47 për qind e numrit të përgjithshëm të popullatës së rritur në botë janë pjesë e Facebookut, ndërsa më shumë se gjysma e tyre janë në decenien e katërt të jetës.
(www.femina.al)
No comments:
Post a Comment