PS-PD arrijnë marrëveshje për reformën zgjedhore dhe parlamentare

Partia Demokratike dhe ajo Socialiste kanë arritur më në fund një marrëveshje për reformën zgjedhore dhe reformën parlamentare. Marrëveshja është arritur gjatë Konferencës së Kryetarëve.
Krerët e grupeve parlamentare kanë rënë dakord që të ngrihet një komision për reformën zgjedhore, një grup për reformën e rregullores së Kuvendit, ndërsa kanë caktuar një kalendar për kalimin e ligjeve me shumicë të cilësuar.

Në mbledhjen e sotme të Konferencës së kryetarëve të dyja palët kanë rënë dakort që komisioni për reformën zgjedhore do të përbëhet nga 5 anëtarë të mazhorancës dhe 5 të opozitës, të cilët do të nisin nga puna për ndryshimet në kodin zgjedhore.

PD nuk i ka caktuar anëtarët për grupin e punës për reformën e rregullores së Kuvendit, kurse PS ka caktuar Namik Doklen dhe Sajmir Tahirit.

/ama-news.al/