Adele: Këtë dhjetor rikthehem në skenë

Një surprizë e vërtetë! Adele, e cila vjen pas një operacioni tepër delikat në fyt si pasojë e një hemorragjie në kordat vokale, duhej të qëndronte për një kohë më të gjatë në shtëpi për t’u stërvitur e për të marrë leksione në kanto, e më pas të kthehej në skenë.

Megjithatë gjithçka ka shkuar ndryshe pasi ajo është gati dhe sipas asaj çka shkruhet nga e përditshmja britanike “The Sun”, do të jetë e ftuara vip në finalen e shfaqjes “X Factor Uk”.

Mjekët ishin treguar tepër të qartë me Adele: “Asnjë koncert deri sa të marrësh konfirmimin tonë”, raporton agjencia e lajmeve NOA.al duke cituar deklaratën e mjekëve.

Më pas këngëtarja qetësoi të gjithë fansat me një postim në faqen e saj zyrtare: “Jam drejt rikuperimit dhe shumë e gëzuar për këtë fakt. Ndihem e qetësuar dhe tepër pozitive”.

/noa.al/