Vendet që lagen nga Adriatiku, të bashkuar në një forum bashkëpunimi

Vendet që lagen nga deti Adriatik, duhet të sigurojnë një nivel të duhur bashkëpunimi mes tyre dhe kjo perspektivë është shumë e rëndësishme.

Kështu është shprehur Ministri italian i Punëve të rajonale, Rafaele Fito, gjatë forumit të Programit IPA Adriatik, ku ka qenë e pranishme edhe pala shqiptare.

Nga ana e saj, zëvendësministrja shqiptare e Integrimit të Shqipërisë, Jorida Tabaku, ka pohuar se është i rëndësishëm procesi i decentralizimit të qeverisjes dhe në këtë kuptim, modeli italian është një shembull i mirë.

“Programi IPA Adriatik është shumë i rëndësishëm, jo vetëm për çështje ekonomike”, tha më pas ajo.

Duke shtuar se Shqipëria është protagoniste e këtij instrumenti, së bashku me vendet e tjera.

Është e rëndësishme, sipas Tabakut, se si ndikimi i tij do të ndryshojë mënyrën se si njerëzit do të adoptojnë punën e komunave dhe autoriteteve lokale në Shqipëri.

Tabaku pastaj foli edhe për disa projekte shumë efektive që janë përzgjedhur dhe kanë filluar të shpërndahen, së bashku me projektet e rëndësishme strategjike.

Këto nisma janë të përkushtuar për tema të tilla si, për shembull, alternativa të energjisë dhe bashkëpunimit ekonomik dhe institucional.

Tabaku e ka përfunduar fjalimin e saj duke thirrur vendet për dialog dhe diskutime, duke siguruar që takimet janë një mjet për të “forcuar dhe përmirësuar cilësinë e projekteve dhe programeve”.

Objektivat kryesore të Bashkëpunimit Ndërkufitar të parashikuar në Programin IPA Adriatik, kanë të bëjnë me forcimin e kapaciteteve për zhvillimin e qëndrueshëm të vendeve anëtare të Bashkimit Evropian që lagen nga ujërat e Adriatikut.

Përfituesit e fondeve janë subjekte publike, organet publike, organizatat private, duke përfshirë edhe kompanitë private, si dhe organizata ndërkombëtare nga Sllovenia, Greqia, Kroacia, Shqipëria, Bosnjë-Hercegovina dhe Mali i Zi.

Programi është i bazuar në katër fusha prioritare: burimet ekonomike, sociale dhe institucionale, natyrore dhe kulturore, asistenca teknike.

Programi është krijuar bazuar në përvojën e gjatë “Interreg IIIA”, i cili luajti një rol të rëndësishëm veçanërisht në lidhje me stabilitetin politik dhe institucional të vendeve në kufi me Adriatikun.

(noa.al)