Policia e Fierit informoi se po procedohen penalisht shtetasit me iniciale: D.K i datëlindjes 1959; F.V i datëlindjes 1963; F.B i datëlindjes 1964; I.B i datëlindjes 1939; GJ.K i datëlindjes 1966; M.K i datëlindjes 1955; J.K i datëlindjes 1950; V.I i datëlindjes 1981; S.I i datëlindjes 1945; P.K i datëlindjes 1965; P.K i datëlindjes 1974; K.P i datëlindjes 1954.
Procedimi penal në ngarkim të 12 shtetasve nisi pas kallëzimit në datën 18.07.2011 nga ana e drejtorit të Ndërmarrjes së Ujësjellësit Tepelenë.
Sipas tij banorët e fshatit Bambull të Komunës Qendër Tepelenë kanë ndërhyrë në rrjetin e ujësjellësit, që furnizon qytetin e Memaliaj dhe fshatin Memaliaj, duke e përdorur ujin e pijshëm për të vaditur tokat.
Për pasojë prej dhjetë ditësh qyteti i Memaliaj dhe fshati Memaliaj janë furnizuar me vështirësi dhe me orar të kufizuar me ujë të pijshëm, ndërkohë që një pjesë e banorëve nuk janë furnizuar me ujë këto ditë.
Specialistët e ndërmarrjes së Ujësjellësit Tepelenë pas hetimeve të kryera kanë kërkuar ndihmën e policisë për të bërë të mundur prerjen e lidhjeve të paligjshme që kishin bërë banorët e këtij fshati për të vaditur tokat e tyre.
Gjatë këtij aksioni blutë e Tepelenës prenë rreth 90 përqind të ndërhyrjeve të paligjshme në rrjetin e ujësjellësit.
Sipas policisë prerja e këtyre lidhjeve do të vijojë edhe gjatë ditës së sotme deri në prerjen e të gjitha lidhjeve të paligjshme në rrjetin e Ujësjellësit.
12 shtetasit e ndaluar do të ndiqen në gjendje të lirë nga Prokuroria e Gjirokastrës për shpërdorim të ujit të pijshëm si dhe shkatërrimit të rrjetit të ujësjellësit.
(www.noa.al)
No comments:
Post a Comment