Turqia, gati të blejë ishujt e Greqisë : Na duhen që t’i qasemi Evropës

Turqia duket se nuk heq dorë nga ideja e saj për të përfituar nga ishujt grekë, këtë herë duke i blerë ata. Kështu, media turke “Anatolia” citon kreun e një shoqate ndërtimi turke, “FIYAPI A.S”, Fikret Inan, të ketë thënë se ai dëshiron të blejë të paktën tre ishuj grekë, që vendi fqinj i tij mund të ketë ndër mend t’i shesë, për shkak të marrëveshjes së fundit të bërë me huadhënësit, Bashkimin Evropian dhe Fondin Monetar Ndërkombëtar (FMN).

“Disa firma të pasurive të patundshme janë ndërmjetësuese në shitjen e këtyre ishujve. Ne jemi tani në bisedime me to dhe jemi duke konsideruar në fakt gjashtë ishuj.

Unë dua të blej të paktën tre prej tyre”, tha ai.

Duke shtuar se ishujt ku ata po shfaqin interes quhen Lichnari, Kaltsonisi, Mikri Amorgos, Kardiotissa, Nausika dhe Vouvalo dhe ata janë të madhësive të ndryshme, duke filluar nga 10 000 deri në 2 milionë metra katrorë.

Ndërsa e përditshmja turke “Today Zaman”, thekson se në kuadrin e krizës së madhe financiare, dhe në mënyrë që të rrisë sa më shumë shifrat që i kërkohen nga BE dhe FMN-ja për privatizimet, të paktën deri në 50 miliardë euro, Greqia po planifikon që të shesë disa nga shumë ishuj në Egje, ca prej të cilëve ndodhen shumë afër brigjeve perëndimore të Turqisë.

Në fakt, afërsia e këtyre ishujve ka krijuar një mosmarrëveshje në mes të dy vendeve lidhur me masën e ujërave të tyre territoriale.

Çështja nuk është zgjidhur ende, pasi Greqia pretendon se vija e ujërave territoriale të saj duhet të zgjatet nga gjashtë deri në 12 milje detare, duke cituar një marrëveshje ndërkombëtare detare, ndërsa Turqia, që nuk është palë e marrëveshjes, konteston pretendimin e fqinjit të saj veriperëndimor në lidhje me shkallën e ujërave territoriale në Detin Egje.

Shitja e ishujve greke në Egje për investitorët turq pritet të sjellë një tjetër debat të ndezur në Greqi.

Duke vënë re se ata u përpoqën për të blerë një numër ishujsh grekë vitin e kaluar, konkretisht, İnan, duke thënë se kjo ishte “e pamundur” nga autoritetet greke.

Konkretisht, İnan synon të ndërtojë një zinxhir hotelier në ishuj.

Ai tashmë ka blerë një ishull prej 400 000 metrash katrorë për 35 milionë dollarë në krahinën perëndimore të Izmirit në vitin 2010 dhe filloi ndërtimin e një hoteli luksoz si edhe të 50 vilave, të cilat dëshiron të jenë hallka e parë e zinxhirit, që ka pohuar se do t’i quajë “Richa Island”, transmeton agjencia Noa.

“Ka ende spekulime se ishujt do të shiten për turqit, por ne nuk kemi marrë asnjë informacion zyrtar në këtë drejtim. Institucionet ndërmjetësues na thanë se nuk ka asnjë problem të tillë”, tha İnan, duke shpjeguar se ai është i vendosur për të marrë këta ishuj.

“Nëse ndonjëherë, me vullnetin e Zotit, bëjmë biznes të tillë, do të themelohet një urë në mes Turqisë dhe Greqisë. Ne gjithashtu do të sigurojmë shërbime të trageteve në mes tyre, “shtoi ai.

Sipas biznesmenit turk, çmimet e secilit prej këtyre gjashtë ishujve janë në mes të 3 milionë dhe 20 milionë euro.

Ai gjithashtu tha se ata kanë taksur 20 milionë euro për të blerë tre prej këtyre gjashtë ishujve dhe të investojnë një shumë tjetër prej 80 milionë eurove për ndërtimin e objekteve të planifikuara turistike atje.

Duke hedhur poshtë mundësitë e pasojave politike të një blerje të tillë, İnan gjithashtu tha se nëse më shumë turq biznesmenë do të ndjekin të njëjtën strategji dhe për të blerë deri 50 ishuj grekë në Egje, Turqia do të ketë “qasje më të lehtë në Evropë”.

“Ne mund të përfaqësojmë Turqinë në ata ishuj. Do të jetë e mrekullueshme nëse biznesmenë të tjerë turq investojnë atje pasi ne të kemi kemi hapur derën”, tha ai.

(www.yllpress.com)