10 qytetet më të rrezikshme në botë.

Faqja elektronike 'Urban Titan' ka realizuar klasifikimin e 10 qyteteve më të rrezikshme në botë. Top 10 i referohet të dhënave të vitit 2010, në lidhje me kriminalitetin, terrorizmin dhe krimin e organizuar.
Në vend të parë është qyteti i Kapos në Afrikën e Jugut, kur vrasjet dhe vjedhjet janë në qendër të zhvillimeve. Turistëve u rekomandohet që të mos qarkullojnë të vetëm natën dhe të mos marrin para kesh në dorë. Në Afrikën e Jugut regjistrohen 50 vrasje në ditë dhe gjysma e tyre ndodhin në Kapo.

Në vend të dytë është Karaci, në Pakistan, që konsiderohet si një prej qyteteve më të rrezikshme edhe në gjithë zonën aziatike. Rreziku kryesor është prej atentateve, ndërsa turistët rrezikojnë të konsiderohen spiunë ose agjentë të vendeve të huaja.

Qyteti tjetër cuditërisht është Detroit, në SHBA. Pas krizës së tregut të makinave në Amerikë, qyteti është braktisur nga një pjesë e madhe e industrisë dhe banorëve. Sipas FBI-së qyteti regjistron 1220 krime të dhunshme cdo vit, ndërsa revista "Forbes" e konsideron atë si qytetin më të rrezikshëm të Shteteve të Bashkuara.

Në vend të katërt renditet Bagdadi, kryeqytet i Irakut. Që prej sulmit amerikan në vitin 2003, Bagdadi është klasifikuar si një prej qyteteve më të rrezikshme në botë. Më shumë se 650 mijë civilë irakenë janë vrarë në atentate apo nga lufta civile që ka shpërthyer në vend.

Më pas klasifikohet Grozni në Rusi, qytet në duar të mafias ruse. Grozni është teatër i rebelëve kundër autoriteteve ruse dhe etiketohet si kryeqyteti i prostitucionit dhe drogës.

Në vend të gjashtë renditet Mogadishu, i Somalisë. Ky qytet ka qenë arenë lufte për shumë vite me radhë. Gjysma e popullsisë është larguar dhe nga viti 1991, një milionë somalezë kanë vdekur për shkak të atentateve dhe trazirave.

Ciudad Huarez ne Meksikë, është qytet që ndodhet në kufi me Shtetet e Bashkuara të Amerikës dhe është viktimë e luftës mes karteleve të drogës. Cdo vit numërohen 130 të vdekur në 100 mijë banorë.

Karakasi i Venezuelës konsiderohet nga politika ndërkombëtare si kryeqyteti botëror i vrasjeve. Pjesa më e madhe e dhunës i atribuohet luftës mes bandave rivale mes zotërve të drogës. Vetëm në dhjetor të vitit 2008 u vranë 500 persona.

Në listë përfshihet edhe Nju Orlins i Shteteve të Bashkuara të Amerikës, që u gjunjëzua nga uragani Katrina. Atje janë regjistruar 95 viktima cdo 100 mijë banorë.

Nëse keni menduar të shkoni në Brazil për të vizituar Rio de Zhaneiron, mendohuni mirë sepse ky qytet njihet për grabitjet e bizhuterive me vlerë, parave kesh. Karteli i drogës që njihet me emrin "Piranjat" është i specializuar në grabitje dhe rrëmbime. Zona metropolitane e Rios numëron 20 të vdekur cdo ditë.

(yllpress.com)