Babai i Lorik Canës dënohet me 9 muaj burg me kusht për evazion fiskal

Babai i futbollistit të njohur të kombëtares shqiptare, Lorik Cana, është dënuar me 9 muaj burg nga ana e Gjykatës së Apelit. Agim Cana është dënuar për shkak të evazionit fiscal gjatë transferimit të Lorikut nga PSG-ja tek Marseja në vitin 2005.

Në Francë nuk lejohet që familjarët të jenë menaxherë të futbollistëve dhe për këtë arsye, Agim Cana kishte kontaktuar me një tjetër person për të marrë pjesë në negociatat e transferimit të Lorikut. Menaxheri do të përfitonte 350 mijë euro nga transferimi, por Agimi i kishte thënë personit të kontaktuar se gjysmat e parave do t’ja kthente, pasi personi që po i bënte realisht negociatat, ishte pikërisht babai i Canës.

Pavarësisht dënimit, Agim Cana nuk do të përfundojë në burg. Ai do ta vuajë dënimin vetëm në rast se e përsërit sërish këtë gjë. Ai do të paguajë vetëm një gjobë prej 80 mijë eurosh.