Modric nuk është në shitje

Tottenham nuk do ta shesë mesfushorin Luka Modric “për çfarëdo çmimi në Chelsea ose cilindo klub tjetër”, ka thënë presidenti Daniel Levy nëpërmjet një komunikate të publikuar të shtunën në ueb faqen zyrtare të klubit.

Ylli kroat deklaroi se dëshiron të transferohet në Chelsea, por nuk do të paraqesë kërkesë për largim nga White Hart Lane.

Mirëpo, Levy tha: “Dua të sqaroj atë që kam thënë gjithmonë. Asnjë futbollist kryesor i ekipit nuk do të shitet gjatë kësaj vere. Jemi duke ndërtuar një skuadër për të ardhmen që vazhdimisht luan në shkallën më të lartë dhe qëndrimi i futbollistëve kryesorë është vendimtar në këtë. Sa i përket Luka Modricit, nuk duam ta shesim për çfarëdo çmimi në Chelsea ose cilindo klub tjetër”.

(gazetaexpress.com)