Formohet partia për njerëzit pa “parti”

Më në fund ata që nuk duan të jenë në një parti politike, por që nuk rrinë dot pa komentuar zhvillimet politike mund të bëjnë pjesë në një subjekt të veçantë. Është themeluar në Zvicër një parti për njerëzit pa parti, e cila është pagëzuar parteifrei.ch. Kjo organizatë ka vendosur si moto të saj sloganin “për politikë të arsyes në vend të politikës partiake”.

“Partia e të pa partive” madje ka ambicie që të konkurrojë me listën e saj në zgjedhjet parlamentare për nivelin federal, që mbahen në këtë vjeshtë, shkruajnë mediat zvicerane.

Rreth dhjetë anëtarë të grupit themelues kanë miratuar një statut, të cilin kandidatët për zgjedhje e kanë si kusht që ta pranojnë atë. Partia e re ka për synim të angazhohet veç tjerash për vlerat si liria, demokracia, pavarësia, paqja, dhe qëndrueshmëria.

(noa.al)

No comments:

Post a Comment