Banorët serbë të Zubin Potokut të mërkurën në mëngjes kanë bllokuar hyrjen në stacionin policor në këtë komunë në veri të Kosovës duke kundërshtuar rotacionin e paralajmëruar të komandantëve të stacioneve policore në veri.Janë bllokuar edhe rrugët kryesore në këtë qytet, ndërsa protesta e banorëve po rrjedh pa incidente, ka njoftuar Policia e Kosovës.
Ndër ata që kanë bllokuar qasjet në stacionin policor janë edhe afaristët e këtij rajoni, të cilët para dy jave e kanë filluar bllokadën në rruhen Ribariq-Mitrovicë për shkak të arrestimit të një afaristi të atjeshëm.
Kryetari i Zubin Potokut, Slavisa Ristic ka thënë për agjencinë Tanjugu se qytetarët e kanë bllokuar rrugët që shpijnë në stacionet policore ngase të mërkurën mund të bëhet rotacioni i komandantit të stacionit policor në këtë qytet.
Ndërkohë mediat në Prishtinë raportuan se gjashtë komandantët e komunitetit serb në veri të Kosovës janë ndarë mes vete. Merret vesh se tre nga ta kanë pranuar që të kthehen në punë dhe të respektojnë urdhrin e drejtorit të përgjithshëm të policisë, Reshat Maliqi e tre të tjerët kanë ende dilema.
(Telegrafi.com)
No comments:
Post a Comment