Me injeksion vdekjeprurës dhe jo me pushkatim, do të zbatojnë tashmë ligjin e dënimit me vdekje, autoritetet përkatëse në Vietnam, deklaroi një zyrtarë i lartë i policisë vietnameze.Sipas gazetës Nguoi Dua Tin e cila doli në qarkullim sot, ndryshimi i mënyrës sëekzekutimit ka për synim të “zvogëlojë dhimbjen fizike të të dënuarve dhe gjithashtu do të ofrojë lehtësim psikologjik për ata të cilët imponojnë dënimin”, ka thënë brigadieri i policisë, Cao Ngkok Oanch.
Qeveria tashmë përgatit ambiente të veçanta në burg ku të dënuarit me vdekje do të ekzekutohen me injektim vdekjeprurës, tha Oanch.
Kjo metodë përdoret kryesisht në Shtetet e Bashkuara të Amerikës.
Ndërkohë që policia në Vietnam ka sugjeruar, për herë të parë, të ndalohet përdorimi i ekzekutimeve me armë në fillim të vitit 2006, me argumentin, se ishte konstatuar se shkaktonin çrregullime psikologjike tek anëtarët e tyre dhe kjo kishte si rrjedhojë, që shumë prej tyre të jepnin dorëheqjen.
Vlen të theksohet, se në Vietnam, një nga vendet e shumta të Azisë ku ligji i dënimit me vdekje është ende në fuqi, skuadrat e pushkatimit ekzekutojnë rreth 100 të dënuar me vdekje në vit.
(albanews.gr)
No comments:
Post a Comment