Sekretari Amerikan i mbrojtjes, Robert Gates, i cili do të largohet nga detyra në fund të këtij muaji, pranoi se kohët e fundit ka pasur kontakte mes Shteteve të Bashkuara dhe talebanëve, por tha se ndoshta do të duhen disa muaj për t’u arritur ndonjë përparim i ndjeshëm në pajtimin mes qeverisë afgane dhe kryengritësve. Sekretari Gates i bëri komentet për një kanal televiziv amerikan, në një nga intervistat e tij të fundit para largimit nga posti më 30 qershor.
Ai tha se megjithëse ka pasur kontakte gjatë javëve të fundit, mes diplomatëve amerikanë dhe talebanëve, ato janë në fazën fillestare.
Ai tha gjithashtu tha se nga një numër vendesh janë bërë përpjekje për të kontaktuar grupe kryengritësish.
Por ai vuri në dukje se ky është një proces i ndërlikuar, madje se është vështirë të gjenden udhëheqës me autoritet për të negociuar.
(gazetaexpress.com)
No comments:
Post a Comment