Bie makina në humnerë, 1 i vdekur, 2 plagosen

Një aksident i rëndë është shënuar në orët e para të ditës së enjte në aksin e vjetër rrugor, Kukës-Kalimash.

Një automjet ra nga 300 m lartësi, duke lënë të vdekur shtetasin, Kujtim Neci, 35 vjeç, i cili ishte pasagjer në automjet.

Dy persona të tjerë mbetën të plagosur, Indrit Hoxha 22 vjeç i cili ishte drejtuesi i mjetit dhe Besnik Hila 43 vjeç. Ata janë transportuar menjëherë për në spitalin e Kukësit, ku po marrin ndihmën e parë.

Mësohet se të tre personat që po udhëtonin me automjetin e aksidentuar janë nga Kalimashi. Ende nuk ka të dhëna te plota per shkaqet, por te dhenat e para flasin per shpejtesi te madhe te automojetit. Policia ka mberritur ne vendngjarje dhe ka nisur hetimet.

(24-ore.com)