Nëse Masimiliano Alegri është ironik, spontan dhe gazmor, Belen Rodriguez nuk është më pak. “Ai më paska vlerësuar mua? Në të vërtetë… kanë kaluar kohë të arta”. “Showgirl” argjentinas i përgjigjet kështu trajnerit kampion të Italisë, që javën e shkuar ishte zbavitur shumë, duke folur edhe për ish-të fejuarën e Marko Borrielos.
Belen javën e shkuar ishte “madrina” e festës së Sienës, që sapo është ngjitur në A. Një spektakël: këndoi, foli, vallëzoi. Shenjë e një pjekurie e vërejtur në Sanremo. “Jam e lumtur që prezantova festën e Sienës, djemtë i kisha njohur që të dielën në Milano dhe më përgëzuan. Pas shumë lodhjeje ia dolën”.
Pastaj kthehet të flasë mbi Alegrin dhe Leon: “Unë jam interiste, sepse ato janë ciganë, pasionalë dhe luftarakë. Milani duket më me klas. Por e çmoj Alegrin, sepse është e vështirë të gjesh një njeri spontan si ai. Më bëri të qesh me ato që tha. Ishte pikërisht simpatik. Nuk është as i shëmtuar, por parapëlqej Leonardon, më tërheq më shumë. Leo është Leo”.
Por Belen, shoqja e lumtur e Fabricio Koronës, nuk mendon për ndonjë futbollist tjetër me të cilin mund të dashurohet: “Njëri (Borrielo), më mjaftoi dhe është i vetmi që njoh mirë”. Më mirë të mendohet për ata që luajnë mirë. “Saktë. Mesi është vërtet më i miri dhe është argjentinas si unë”.
(www.sportishqiptar.com.al)
No comments:
Post a Comment