Villas Boas nuk do ta udhëheq Interin

Villas Boas nuk do të jetë trajner i ri i Interit ka bërë të ditur drejtori i përgjithshëm i Nerazzurrëve, Marco Branca.

Strategu i Portos thuhej se është në prag të arrin marrëveshje për drejtimin e Interit nga sezoni i ardhshëm pas largimit pothuajse të konfirmuar të Leonardos drejt Paris Saint Germain.

Mirëpo, Branca ka mohuar mundësinë e ardhjes së Villas Boasit.

“Villas Boas nuk do të jetë trajner i yni i ardhshëm dhe jo vetëm për shkak të dëmshpërblimit të lartë në kontratën e tij me Porton” tha Branca për agjencinë italiane të lajmeve Ansa.

(gazetaexpress.com)