Objekt i masave të bluve të Gjirokastrës në operacionin triditor ishte heqja e xhamave të zinj të automjeteve, vjelja e gjobave të prapambetura, vënia e gjobave për parkimet e gabuara në qytet si dhe plotësimin e dokumentacionit të automjeteve.
Falë këtij operacioni, policia e Gjirokastrës bën me dije se u janë janë hequr xhamat e zinj 82 automjeteve, ndërkohë që secili drejtues i automjeteve është gjobitur me 5000 lekë gjobë.
Gjithashtu janë vendosur 108 masa administrative për parkimet e gabuara dhe për mosvendosjen e rripit të sigurimit.
Policia e qytetit informon se janë hequr 5 leje drejtimi për shpejtësi tej normave të lejuara dhe përdorim të pijeve alkoolike.
Ndërkohë janë bllokuar 7 automjete për mangësi dokumentacioni si dhe janë vjelë 765 masa administrative të prapambetura.
Uniformat blu të qytetit të gurtë do të vijojnë planin e masave, një plan që do të shtrihet jo vetëm në Gjirokastër dhe akset rrugore të këtij qyteti, por edhe në Tepelenë e Përmet, që përfshihen në qarkun Gjirokastrës.
(noa.al)
No comments:
Post a Comment