Peshkim me tritol, paditet 48-vjeçari

Një 48-vjeçar është ndaluar dje nga policia e Vlorës pasi akuzohet për mbajte të mjeteve luftarake pa leje dhe peshkim të paligjshëm. Ëngjëll Ramadan Vangjeli, lindur e banues në Dukat është ndaluar gjatë kohës që ka qenë duke peshkuar me dinamit në afërsi të Gjirit të Gjipesë në Vlorë. Ndalimi i tij është bërë më datën 21 qershor në orën 11:00 nga efektivët e Drejtorisë Rajonale për Kufirin dhe Migracionin në Vlorë.

Gjatë kontrollit nga policia atij ju gjetën dy kallëpe dinamit. Ndërkohë që ju kontrollua dhe mjeti lundrues “Luciano 068 Vlorë”, i cili ka rezultuar me dokumentacion të rregullt.

Ai akuzohet për “Peshkimi i paligjshëm” dhe “Prodhimi dhe mbajtja pa leje e armëve luftarake dhe municionit”.
(noa.al)

No comments:

Post a Comment