Kryeministri grek Jorgo Papandreu ka kërkuar sot besimin e Parlamentit dhe një “marrëveshje kombëtare” mes të gjitha partive, për të kaluar krizën ekonomike, që sipas tij ka arritur në “një moment jetik”.Papandreu ka deklaruar se qeveria e re do të korrigjojë padrejtësitë që kanë dalë nga masat e ndërmarra deri tani për t’i bërë ballë krizës.
“Në gjirin e krizës kanë depërtuar spekulatorë që bëjnë projekte të rreme dhe që duan falimentimin e Greqisë”, ka pohuar Papandreu.
Athina duhet të miratojë masat anti-krizë në mënyrë që të sigurojë ndihmat financiare nga FMN dhe BE, por aktualisht qeveria ndodhet në vështirësi.
Edhe pse riformatoi kabinetin, Papandreu humbi dy deputetë nga partia e tij, Pasok, për shkak se nuk pranonin planin e masave anti-krizë.
(ama-news.al)
No comments:
Post a Comment