Kinezët kopjojnë fshatin austriak

Kinezët së shpejti do të ndërtojnë kopjen e fshatit austriak Hallstatt, i cili quhet “vendi më i bukur në botë”. Por, kjo nuk do të ishte aq e diskutueshme, sikur kinezët të kishin pyetur austriakët, shkruan Koha!

Për ta kopjuar fshatin sa më mirë, shumë turistë kinezë kishin vizituar këtë fshat viteve të fundit, duke fotografuar “pothuajse çdo gur” për reproduksion sa më të mirë në vendlindjen e tyre. Këto plane të kinezëve kanë tronditur austriakët.

Fshati austriak Hallstatt, i cili gjendet në afërsi të Salzburgut, është nën mbrojtjen e UNESCO-s si një nga vendet më të bukura në botë. Por, pas kësaj me siguri se do të dyfishojë turistët e vet. Kinezët po ndërtojnë kopjen e këtij fshati në provincën Guangdong. Ndërtimi i versionit kinez të fshatit është në fazën përfundimtare.

(gazetatema.net)