Kampioni i pështymës mund të përcaktojë moshën e njeriut

Sipas studiuesve, pështyma përmban sekretet gjenetike të moshës së një personi. Analizimi i një kampioni pështyme mund të përcaktojë moshën e një individi brenda pesë vjetëve, pretendon një studim. Zbulimi amerikan mund të ndihmojë hetimet në skenat e krimeve dhe zhvillimin e mjekësisë së personalizuar.

Udhëheqësi i studimit, Eric Vilain, nga University of California, Los Anxhelos, tha: “Qasja jonë i përgjigjet pyetjes për kërkimin e shënuesve të përgjegjshëm të plakjes. Thjesht me një kampion pështyme, ne mund të parashikojmë në mënyrë të saktë moshën e një personi pa ditur asgjë për të”.

Teknika mbështetet në një proces natyral i quajtur metilacion, që modifikon lëndët kimike që përbëjnë ADN-në. Modelet metilacion zhvendosen me kalimin e moshës, duke ndryshuar ADN-në dhe duke kontribuar në sëmundjet e plakjes.

Shkencëtarët identifikuan 88 pika ADN-je, të cilat lidhën fuqishëm metilacion-in me moshën. Këto pastaj u reduktuan në dy gjene, të cilët kishin lidhjet më të forta me metilacionin e moshës.

(albeu.com)