Filmi i ri i George Clooney do të hapë Festivalin e Venecias

Filmi i ri i shumëpërfolur në të cilin rolin kryesor e luan George Clooney është përzgjedhur të hapë edicionin e sivjetmë të Festivalit të Filmit në Venecie.
“The Ides of March”, në të cilin po ashtu luajnë Ryan Gosling, Paul Giamatti dhe Philip Seymour Hoffman, është një rrëfim për fushatën presidenciale amerikane.

Organizatorët e festivalit kanë njoftuar të mërkurën se filmi do të jetë në garë për çmimin kryesor “Luani i Artë”. Filmi “The Ides of March” do të ketë premierën botërore më 31 gusht, pas ceremonisë së hapjes së Festivalit të Venecias, i cili zgjat deri më 10 shtator.

George Clooney, fitues i çmimeve “Oscar”, shpeshherë ka qenë pjesëmarrës në Festivalin e Venecias.

(yllpress.com)