Si ta kuptosh nëse je interesant

Shpeshherë, në takime me njerëzit, biseda apo flirtime ndodh që duam të kuptojmë përshtypjen që kemi lënë tek personi tjetër. Zakonisht ndodh që pas bisedës ne vrasim mendjen për mënyrën tonë të sjelljes, sa interesantë u treguam, ku gabuam etj etj. Mëposhtë janë disa këshilla për komunikimin joverbal, përmes të cilave mund të testojmë menjëherë impaktin që kemi tek personi tjetër.


-Buzëqeshja dhe shikimi drejtë në sy janë shenjat e para që tregojnë se ka interes ndaj jush.

-Nëse personi tjetër ju afrohet shumë në momentin që bisedon me ju, kjo është një shenjë pozitive që tregon se jeni interesant.

-Prekja e vetullës është një shenjë kënaqësie dhe tregon se biseda është në rrugë të mbarë.

Për ta kuptuar se ju nuk jeni i dëshiruar nga personi tjetër, lexoni të kundërtat e veprimeve të mësipërme. Por ka edhe disa shenja të tjerë që mund t’u bëjnë të lexoni sjelljen e personit tjetër dhe ta merrni situatën në dorë, me shpresë për ta përmirësuar atë:

-Nëse personi tjetër i mban këmbët e kryqëzuara ose të mbyllura, atëhere kuptohet se nuk është i interesuar për ju, pasi kjo njihet si shenja refuzuese e komunikimit joverbal.

-Gjatë bisedave sikletosëse, ne jemi të prirur të pozicionohemi paksa në njërën anë dhe nuk qëndrojmë përballë dhe në rast se bashkëbiseduesi juaj e bën një veprim të tillë, atëhere e kuptoni se nuk ka “mikpritje” ndaj fjalëve apo personit tuaj.

-Për të kuptuar nëse personi tjetër është në siklet nga ju, mjafton të hidhni një stilolaps në tavolinë. Nëse bashkëbiseduesi është i tensionuar apo jokomod me ju, atëhere ai në mënyrë jovullnetare do ta marrë stilolapsin që keni hedhur, për të luajtur me të, mbase duke shtypur papushim butonin e tij ndërsa ju flisni.

-Lëvizjet e pavullnetshme të këmbës janë një tregues i qartë i tensionit.

Zakonisht, kur një person ka stres apo tension, në mënyrë të pavullnetshme, “shfryn” tensionin në një pikë fundore që është kryesisht tek shputa e këmbës. Kjo shenjë është lehtësisht e lexueshme nëse ju jeni ulur në një tavolinë, por duhet të bëni kujdes për të parë nëse poshtë saj, personi përballë jush po lëviz këmbën e djathtë sikur po shtyp një pedal makine. Nëse vëreni këtë të fundit, ndryshoni strategji, bëjeni tjetrin të ndjehet komod me ju. 
(albeu.com)

No comments:

Post a Comment