 |
Trupi i Aleks Nikës, i vrarë në bulevard |
-Letër e hapur drejtuar Prokurores së Përgjithshme, zonjës Ina Rama- E nderuar zonja Prokurore e Përgjithshme e Republikës,
Pesë muaj kaluan nga dita kur në bulevardin “Dëshmorët e kombit”, para ndertesës së kryeministrisë, u vranë me armë zjarri katër qytetarë shqiptarë, ndër ta edhe nipi im Aleks Nika. Dhjetëra të tjerë u plagosen.
Pesë muaj pa përgjigje nga ana e Prokurorisë dhe Drejtësisë për ekzekutimin barbar, pa paralajmërim dhe pa “gjyq”, të Aleksit dhe shokëve të tij të vdekjes në demonstratën e 21 janarit.
Dëshpërimi ynë për humbjen e pakthyeshme të Aleksit dhe për vrasjen e tij pa asnjë faj, rriten përditë nga vonimi i drejtësisë, nga stopimin dhe devijimi i hetimeve, nga përpjekjet kriminale për të fshehur krimin.
Tani, çdo ditë që shkon duke sjellë terr në vend të drejtësisë për të vrarët e 21 janarit, është një rivrasje për ta, për të afërmit dhe për gjithë shoqërinë shqiptare.
Ne familjarët e Aleksit, sikurse familjarët e të vrarëve të tjerë në atë masakër, kemi pritur nga organi i Prokurorisë zbardhjen e shpejtë të këtij krimi makabër dhe venien e autorëve në bankën e akuzës, duke filluar me ata që dhanë urdhër për të qëlluar me armë zjarri mbi popullin e duke vazhduar me ata që i ekzekutuan ato urdhra.
Ky nuk është një borxh që ju si organ i akuzës ua keni vetën viktimave, familjarëve të tyre, të dashurve të tyre që shteti u veshi rroben e përhershme të zizë. Ky nuk është një borxh që jua ia keni vetëm bashkeshortes së Aleksit dhe dy vajzave të saj jetime. Megjithese borxhi ndaj jetimëve, vejushave , vuajtjeve dhe plagëve të jashtëzakonshme që lanë pas vrasjet e 21 janarit del e tepron për të motivuar një hetim të drejtë, të guximshëm, pa asnjë lloj kompromisi.
Zbardhja e vrasjeve dhe çuarja e vrasësve para drejtësisë është detyra juaj dhe e institucionit që Ju drejtoni. Është një borxh që ju ia keni Ligjit dhe shoqërisë shqiptare, paqes dhe sigurisë në Shqipëri. Por është një borxh që jua ua keni edhe partnerëve ndërkombëtarë, që ju kanë mbeshtetur e inkurajuar në përballjen tuaj me ekzekutimet politike të katër demostruesve paqësore të opozitës.
E nderuar zonjë,
Unë nuk mund ta di çfarë mendojnë sot këta ndërkombetarë për fatin e hetimeve për 21 janarin. Unë, xhaxha i Aleks Nikës, jurist dhe avokat në profesion, në emrin tim dhe gjithë pjestarëve të familjes së Aleksit dua t’ju shpreh e t’ju përcjell publikisht zhgënjimin dhe shqetësimin tonë të thellë për zvarrritjen dhe xhirimin në vend të këtyre hetimeve. Nëna e Aleksit qan çdo ditë, së bashku me gruan e tij dhe me vajzën e madhe Anjelën. Ato presin me padurim të mësojnë nga drejtësia se kush e vrau djalin, bashkëshortin dhe babanë, pa i patur kujt borxh, vetëm se ishte në protestë në bulevard. Në të gjithë presim me padurim përgjigje nga drejtësia se kush e organizoi këtë hata dhe ketë gjëmë për familjen tonë.
Si jurist dhe si qytetar unë e di se pritja të dëmtuarve dhe hetimet e prokurorisë nuk shkojnë gjithnjë në një hap. Por periudha pesëmujore që nga dita e vrasjes së Aleksit dhe e demonstruesve të tjerë të opozitës ka qenë një kohë më se e mjaftueshme për të zbardhur masakrën, që u filmua nga dhjetra kamera dhe u pa me sy nga nga mijëra e mijëra pjesemarrës në demostratën e 21 janarit.
Për faktin se u krye para kamerave dhe para syve të gjithë shqiptarëve, krimi i 21 janarit lindi i zbardhur. Hetimet, në vend që të afirmonin me shpejtësi veprimin e dorës së ligjit, i kanë dhenë kohë krimit të fshihet, u kanë dhënë kohë kriminelëve të mjegullojnë të vërtetën. Është shumë e rëndë të kostatosh se sot ka me shumë mjegull se trasparencë për masakrën.
E di gjithë Shqipëria se kryeministri Sali Berisha ka berë gjithçka për të penguar, devijuar, dështuar e arshivuar zbardhjen e 21 janarit nga ana e Prokurorisë së shtetit. Sali Berisha ka shkelur ligjin dhe çdo normë të etikës njerëzore në sulmet personale që ka adresuar ndaj jush, pa u tharë gjaku i të vrarëve dhe të plagosurve përballë dritares së zyrës së tij.
Me këtë qëndrim të pashembullt, kryeministri i Shqipërisë ka treguar qartë se qëndron prapa vrasjeve dhe në anën atyre që derdhen gjakun e njerëzve të pajafshëm atë ditë të kobshme për familjen tonë. Ai ishte dhe mbetet kundërshtari numër një i zbardhjes së masakrës. Sepse është i akuzuari numër një nga mbarë një popull që e ka parë të spërdridhet dhe të sodisë nga xhamat e blinduar të dritares së zyrës së tij vrasjen e qytetarëve nga forcat e komanduara prej tij.
Ju si titullare e institucionit të akzuës nuk besoj se jeni befasuar nga sulmet e egra e të paprincipta të këtij kryeministri. Ne, familarët e Aleksit, ju kemi shprehur solidaritetin tonë të plotë, duke besuar se Ju dhe prokurorët e çeshtjet jo vetëm nuk do të kompleksoheni e trembeni nga sulmet dhe marifetet e tjera të palës që ka urdhëruar e realizuar vrasjet , por do të ishit më të vendosur edhe për këtë shkak, pra edhe për dorëzën që shefat e vrasëve të 21 janarit dhe vetë vrasësit kanë guxuar tua hedhin me arrogance Juve personalisht, institucionit që Ju drejtoni, Ligjit dhe rendit demokratik.
Për publikun shqiptar, nuk është e re zonjë, që kryeministri Sali Berisha nuk e njeh ligjin, nuk e njeh dhe nuk e respekton parimin e shenjtë të barazisë së shtetasve para ligjit, kur kjo nuk i leverdis atij personalisht. U bënë vite që Sali Beridha i bën karshillëk ligjit, qëndron mbi ligjin. Por detyra juaj dhe institucionit tuaj është ta vendosni në pozitat e barazisë para ligjit edhe ketë shtetas, që aktualisht drejton qeverinë e vendit. Ky është shteti i së drejtës.
Për fat të keq, zvarritja e hetimeve për 21 janarin na ka krijuar të gjithëve përshtypjen, për të mos thënë me shumë, se hetimet nuk i drejton prokuroria, por pala e akuzuar.
Ju dhe bashkëpunëtorët tuaj e keni në dorë të na e hiqni këtë përshtypje me produktin e një hetimi të plotë e të drejtë, që nuk duhet të vonojë më asnjë ditë.
Ne sërish po presim drejtësinë, por nuk jemi pasivë në këtë pritje.
Tërësia e rrethanave të vrasjes së Aleksit mbështe hipotezën se ai është vrarë me selektim ( ishte në mes të grupit) me armë preçizioni. Kjo vrasje sikurse vrasjet dhe plagosjet e tjera, mund të zbulohem, shpjegohen e çmohen drejt vetëm të lidhura me njëra tjetrën dhe duke hetuar planin operativ të Gardës së Republikës. Në këtë plan duhet të jetë parashikuar patjetër si do të vepronin gardistët në rast se sulmohej kryeministria, kur do të përdorej forca, çfarë rezistencë do të tregohej, me çfarë mjeti do të kryhej. Ligji e ndalon përdorimin e armëve në publik. Nga këto materiale shkresore, do të dalë edhe urdhëruesi i vrasjeve.
Ky krim nuk ka karakterin e një krimi ordiner, por është një krim i veshur me disa karakteristika të veçanta, që hetimi duhet t’i evidentojë. Në këtë pikë duhet të sqarohet përfshirja dhe “ shkrirja” më forcat e Gardës së Repubklikës e subjekteve dhe individëve militantë, që nuk njohin normë morale dhe ligjore.
Duke mos u treguan e vendosur në hetimin e këtyre çeshtjeve, prokuroria i ka lëshuar terren qeverisë që nepërmjet veglave të saj të tentojë mbulimin e krimit duke e paraqitur si “çeshtje ordinere”, “vrasje te kryer me rikoshet”, pra nga pakujdesia!!
Kur qëllohet me armë zjarri në drejtim të turmës, siç është qëlluar nga oborri i kryeministrisë me 21 janar, nuk ka kuptim të flasësh për vrasje me rikoshet, nga pakujdesia apo fati i keq. Fati ka ndihmuar ata që shpëtuan. Ata që u vranë nuk i ka ndëshkuar fati, por urdhërat për të hapur zjarr në lartësinë e njeriut dhe për të vrarë me selektim, duke marrë në shenjë persona të futur në rreth më parë.
Përdorimi i armëve të zjarrit kundër popullit është një akt barbar dhe fashistoid që nuk njihet në vendet demokratike. Pas 21 janarit ka vetën një mundësi që Shqipëria të konsiderohet demokraci: të denojë me rreptësinë e ligjit urdhëtuesit dhe ekzekutuesit e vrasjes së katër qyetetarëve të pafajshëm.
Me zemër të plasur, jemi të detyruar të dëgjojmë e të lexojmë në media lloj-lloj raportesh e legjendash për plumbin që i mori jetën Aleksit! Urojmë të mos jetë legjendë lajmi se përkundrejt “ekspertizave” që kanë bërë “institutet shkencore” në vartësi të Sali Berishës, Prokuroria e Përgjithshme ka kërkuar ekspertizë ndërkombëtare për plumbat që u morën jetën Aleksit dhe të tjerëve.
Le të ndjekë ekspertiza rrugën e saj, po si është e mundur zonja kryeprokurore që kryeminstri Sali Berisha, ministri i Brëndshëm Lulëzim Basha dhe komandanti i gardës Andrea Prendi, nuk janë thirrur të paktën si dëshmitar nga organi i akuzës për tu pyetur në lidhje me shpjegimet kontradiktore që kanë dhënë në media për ngjarjet e 21 janarit. Berisha dhe Basha shkojnë serbes në të ashtuquajturin komision hetimor parlamentar “Halimi”. Pse nuk thirren nga Prokuroria? Kushtetuta e lejon thirrjen e tyre dëshmitarë.
Zhvillimi i hetimeve në kushtet e cënimit të parimit të barazisë së shtetasve para ligjit e ka vënë ulur autoritetin e organit të akuzës dhe ka bërë të mundur që Kryeministri dhe Ministri i Brendshëm të gëzojnë de fakto statusin e zyrtarëve të parekshëm nga ligji.
Zonja Prokurore e Përgjithshme,
Më datën 21 janar Aleks Nika iu përgjigje thirrjes së Partisë Socialiste dhe Opozitës së Bashkuar për të protestuar në bulevardin “Dëshmorët e kombit” së bashku me mijëra shtetas të tjerë, kundër korrupsionit, padrejtësisë, papunësisë dhe varfërisë. Aleksin e çuan në atë demonstratë bindjet e tij të shpallura politike, e drejta kushtetuese e mbledhjes , grumbullimit dhe protestës, si një e drejtë themelore e individit në shoqërinë demokratike. Ai nuk bëri asgjë të paligjshme e të pamoralshme, qëndroi në bulevard paqësisht me shokët e tij dhe aty e gjeti plumbi vdekjeprurës që u nis nga ndërtesa e kryeministrisë. Tani marrim vesh se kur mbërriti në spitalin ushtarak, e hodhën në korridor si një “ i vdekur kriminel” dhe vetën ndërhyrja e një miku të familjes sonë bëri të mundur që të trajtohej si njeri dhe të rikthehej provizorisht në jetë.
Atë natë të kobshme, falë gadishmërisë së disa mjekëve humanë, ne patën mundësi të merrnin shumë të dhëna nga skaneri për vrasjen e tij. Ne i kemi keto të dhëna të patjetersueshme. Edhe Prokororia i ka, por po të ketë nevojë, ne jemi të gatshëm t’ia vënë sërish ne dispozicion.
Kush dha urdhër për vrasjen e tij?
Kush qëlloi mbi të?
Provat për të shkuar drejt zbardhjes së kësaj vrasjeje janë të shumta. Rrallë ndodh që vrasjet kriminale të shtetasve të jenë kryer me kaq transparencë nga ana e forcave të armatosura brenda gardhit të kryeministrisë se sa vrasjet e 21 janarit. Dhe po kaq rrallë ka ndodhur që krimi i kryer në dritë të diellit të vijë duke u errësuar gjatë hetimit. Terorikisht dhe praktikisht, kjo ndodh vetëm kur hetimi vihet plotësisht nën thundrën e krimit.
Nuk duam të besojmë se gjerat kanë shkuar në ketë pikë në lidhje me vrasjet e 21 janarit. Sado që një mori faktesh dëshmojnë revanshin e krimit ndaj hetimit. Ne, si familje, jemi duke ndjekur më vemendje gjithçka që po ndodh, po thuhet e po shkruhet për “plumbat e prishur”, për armët që nuk po gjenden, për alibitë e “vrasjeve me rikoshet” e plot marifete e dridherira të tjera për ti lenë vrasjet pa autor!!!
Ne kërkojnë sërish nga ju zbardhjen e plotë, pa asnjë kompromis, të vrasjes së Aleksit.
Ne kërkojmë marrjen prej Jush të një asistence të fuqishme ndërkombëtare për çdo element të masakrës ku ju nuk kemi njerëz, mjetet apo forcë për të konkluduar profesionalisht.
E kam deklaruar ditën e funeralit të Aleksit dhe po e përsëris: ne jemi një familje me bindje të majta, aktualisht në opozitë. Kemi besuar e besojmë te pluralizmi dhe kushtetuta. Prandaj e kërkojmë drejtësinë për Aleksin nga Drejtësia. Por nëqoftese Drejtësia, nëqoftëse Ju dhe institucioni Juaj na lini pa përgjigje, domethënë na lini vetëm përballë krimit, në kushte vetëgjyqësie, kjo nuk është zgjidhja jonë, edhe nuk do të lejojmë që gjaku i Aleksit të bëhët ujë.
Me respekt
Mark Nika
Avokat, Lezhë
Pesë muaj kaluan nga dita kur në bulevardin “Dëshmorët e kombit”, para ndertesës së kryeministrisë, u vranë me armë zjarri katër qytetarë shqiptarë, ndër ta edhe nipi im Aleks Nika. Dhjetëra të tjerë u plagosen.
Pesë muaj pa përgjigje nga ana e Prokurorisë dhe Drejtësisë për ekzekutimin barbar, pa paralajmërim dhe pa “gjyq”, të Aleksit dhe shokëve të tij të vdekjes në demonstratën e 21 janarit.
Dëshpërimi ynë për humbjen e pakthyeshme të Aleksit dhe për vrasjen e tij pa asnjë faj, rriten përditë nga vonimi i drejtësisë, nga stopimin dhe devijimi i hetimeve, nga përpjekjet kriminale për të fshehur krimin.
Tani, çdo ditë që shkon duke sjellë terr në vend të drejtësisë për të vrarët e 21 janarit, është një rivrasje për ta, për të afërmit dhe për gjithë shoqërinë shqiptare.
Ne familjarët e Aleksit, sikurse familjarët e të vrarëve të tjerë në atë masakër, kemi pritur nga organi i Prokurorisë zbardhjen e shpejtë të këtij krimi makabër dhe venien e autorëve në bankën e akuzës, duke filluar me ata që dhanë urdhër për të qëlluar me armë zjarri mbi popullin e duke vazhduar me ata që i ekzekutuan ato urdhra.
Ky nuk është një borxh që ju si organ i akuzës ua keni vetën viktimave, familjarëve të tyre, të dashurve të tyre që shteti u veshi rroben e përhershme të zizë. Ky nuk është një borxh që jua ia keni vetëm bashkeshortes së Aleksit dhe dy vajzave të saj jetime. Megjithese borxhi ndaj jetimëve, vejushave , vuajtjeve dhe plagëve të jashtëzakonshme që lanë pas vrasjet e 21 janarit del e tepron për të motivuar një hetim të drejtë, të guximshëm, pa asnjë lloj kompromisi.
Zbardhja e vrasjeve dhe çuarja e vrasësve para drejtësisë është detyra juaj dhe e institucionit që Ju drejtoni. Është një borxh që ju ia keni Ligjit dhe shoqërisë shqiptare, paqes dhe sigurisë në Shqipëri. Por është një borxh që jua ua keni edhe partnerëve ndërkombëtarë, që ju kanë mbeshtetur e inkurajuar në përballjen tuaj me ekzekutimet politike të katër demostruesve paqësore të opozitës.
E nderuar zonjë,
Unë nuk mund ta di çfarë mendojnë sot këta ndërkombetarë për fatin e hetimeve për 21 janarin. Unë, xhaxha i Aleks Nikës, jurist dhe avokat në profesion, në emrin tim dhe gjithë pjestarëve të familjes së Aleksit dua t’ju shpreh e t’ju përcjell publikisht zhgënjimin dhe shqetësimin tonë të thellë për zvarrritjen dhe xhirimin në vend të këtyre hetimeve. Nëna e Aleksit qan çdo ditë, së bashku me gruan e tij dhe me vajzën e madhe Anjelën. Ato presin me padurim të mësojnë nga drejtësia se kush e vrau djalin, bashkëshortin dhe babanë, pa i patur kujt borxh, vetëm se ishte në protestë në bulevard. Në të gjithë presim me padurim përgjigje nga drejtësia se kush e organizoi këtë hata dhe ketë gjëmë për familjen tonë.
Si jurist dhe si qytetar unë e di se pritja të dëmtuarve dhe hetimet e prokurorisë nuk shkojnë gjithnjë në një hap. Por periudha pesëmujore që nga dita e vrasjes së Aleksit dhe e demonstruesve të tjerë të opozitës ka qenë një kohë më se e mjaftueshme për të zbardhur masakrën, që u filmua nga dhjetra kamera dhe u pa me sy nga nga mijëra e mijëra pjesemarrës në demostratën e 21 janarit.
Për faktin se u krye para kamerave dhe para syve të gjithë shqiptarëve, krimi i 21 janarit lindi i zbardhur. Hetimet, në vend që të afirmonin me shpejtësi veprimin e dorës së ligjit, i kanë dhenë kohë krimit të fshihet, u kanë dhënë kohë kriminelëve të mjegullojnë të vërtetën. Është shumë e rëndë të kostatosh se sot ka me shumë mjegull se trasparencë për masakrën.
E di gjithë Shqipëria se kryeministri Sali Berisha ka berë gjithçka për të penguar, devijuar, dështuar e arshivuar zbardhjen e 21 janarit nga ana e Prokurorisë së shtetit. Sali Berisha ka shkelur ligjin dhe çdo normë të etikës njerëzore në sulmet personale që ka adresuar ndaj jush, pa u tharë gjaku i të vrarëve dhe të plagosurve përballë dritares së zyrës së tij.
Me këtë qëndrim të pashembullt, kryeministri i Shqipërisë ka treguar qartë se qëndron prapa vrasjeve dhe në anën atyre që derdhen gjakun e njerëzve të pajafshëm atë ditë të kobshme për familjen tonë. Ai ishte dhe mbetet kundërshtari numër një i zbardhjes së masakrës. Sepse është i akuzuari numër një nga mbarë një popull që e ka parë të spërdridhet dhe të sodisë nga xhamat e blinduar të dritares së zyrës së tij vrasjen e qytetarëve nga forcat e komanduara prej tij.
Ju si titullare e institucionit të akzuës nuk besoj se jeni befasuar nga sulmet e egra e të paprincipta të këtij kryeministri. Ne, familarët e Aleksit, ju kemi shprehur solidaritetin tonë të plotë, duke besuar se Ju dhe prokurorët e çeshtjet jo vetëm nuk do të kompleksoheni e trembeni nga sulmet dhe marifetet e tjera të palës që ka urdhëruar e realizuar vrasjet , por do të ishit më të vendosur edhe për këtë shkak, pra edhe për dorëzën që shefat e vrasëve të 21 janarit dhe vetë vrasësit kanë guxuar tua hedhin me arrogance Juve personalisht, institucionit që Ju drejtoni, Ligjit dhe rendit demokratik.
Për publikun shqiptar, nuk është e re zonjë, që kryeministri Sali Berisha nuk e njeh ligjin, nuk e njeh dhe nuk e respekton parimin e shenjtë të barazisë së shtetasve para ligjit, kur kjo nuk i leverdis atij personalisht. U bënë vite që Sali Beridha i bën karshillëk ligjit, qëndron mbi ligjin. Por detyra juaj dhe institucionit tuaj është ta vendosni në pozitat e barazisë para ligjit edhe ketë shtetas, që aktualisht drejton qeverinë e vendit. Ky është shteti i së drejtës.
Për fat të keq, zvarritja e hetimeve për 21 janarin na ka krijuar të gjithëve përshtypjen, për të mos thënë me shumë, se hetimet nuk i drejton prokuroria, por pala e akuzuar.
Ju dhe bashkëpunëtorët tuaj e keni në dorë të na e hiqni këtë përshtypje me produktin e një hetimi të plotë e të drejtë, që nuk duhet të vonojë më asnjë ditë.
Ne sërish po presim drejtësinë, por nuk jemi pasivë në këtë pritje.
Tërësia e rrethanave të vrasjes së Aleksit mbështe hipotezën se ai është vrarë me selektim ( ishte në mes të grupit) me armë preçizioni. Kjo vrasje sikurse vrasjet dhe plagosjet e tjera, mund të zbulohem, shpjegohen e çmohen drejt vetëm të lidhura me njëra tjetrën dhe duke hetuar planin operativ të Gardës së Republikës. Në këtë plan duhet të jetë parashikuar patjetër si do të vepronin gardistët në rast se sulmohej kryeministria, kur do të përdorej forca, çfarë rezistencë do të tregohej, me çfarë mjeti do të kryhej. Ligji e ndalon përdorimin e armëve në publik. Nga këto materiale shkresore, do të dalë edhe urdhëruesi i vrasjeve.
Ky krim nuk ka karakterin e një krimi ordiner, por është një krim i veshur me disa karakteristika të veçanta, që hetimi duhet t’i evidentojë. Në këtë pikë duhet të sqarohet përfshirja dhe “ shkrirja” më forcat e Gardës së Repubklikës e subjekteve dhe individëve militantë, që nuk njohin normë morale dhe ligjore.
Duke mos u treguan e vendosur në hetimin e këtyre çeshtjeve, prokuroria i ka lëshuar terren qeverisë që nepërmjet veglave të saj të tentojë mbulimin e krimit duke e paraqitur si “çeshtje ordinere”, “vrasje te kryer me rikoshet”, pra nga pakujdesia!!
Kur qëllohet me armë zjarri në drejtim të turmës, siç është qëlluar nga oborri i kryeministrisë me 21 janar, nuk ka kuptim të flasësh për vrasje me rikoshet, nga pakujdesia apo fati i keq. Fati ka ndihmuar ata që shpëtuan. Ata që u vranë nuk i ka ndëshkuar fati, por urdhërat për të hapur zjarr në lartësinë e njeriut dhe për të vrarë me selektim, duke marrë në shenjë persona të futur në rreth më parë.
Përdorimi i armëve të zjarrit kundër popullit është një akt barbar dhe fashistoid që nuk njihet në vendet demokratike. Pas 21 janarit ka vetën një mundësi që Shqipëria të konsiderohet demokraci: të denojë me rreptësinë e ligjit urdhëtuesit dhe ekzekutuesit e vrasjes së katër qyetetarëve të pafajshëm.
Me zemër të plasur, jemi të detyruar të dëgjojmë e të lexojmë në media lloj-lloj raportesh e legjendash për plumbin që i mori jetën Aleksit! Urojmë të mos jetë legjendë lajmi se përkundrejt “ekspertizave” që kanë bërë “institutet shkencore” në vartësi të Sali Berishës, Prokuroria e Përgjithshme ka kërkuar ekspertizë ndërkombëtare për plumbat që u morën jetën Aleksit dhe të tjerëve.
Le të ndjekë ekspertiza rrugën e saj, po si është e mundur zonja kryeprokurore që kryeminstri Sali Berisha, ministri i Brëndshëm Lulëzim Basha dhe komandanti i gardës Andrea Prendi, nuk janë thirrur të paktën si dëshmitar nga organi i akuzës për tu pyetur në lidhje me shpjegimet kontradiktore që kanë dhënë në media për ngjarjet e 21 janarit. Berisha dhe Basha shkojnë serbes në të ashtuquajturin komision hetimor parlamentar “Halimi”. Pse nuk thirren nga Prokuroria? Kushtetuta e lejon thirrjen e tyre dëshmitarë.
Zhvillimi i hetimeve në kushtet e cënimit të parimit të barazisë së shtetasve para ligjit e ka vënë ulur autoritetin e organit të akuzës dhe ka bërë të mundur që Kryeministri dhe Ministri i Brendshëm të gëzojnë de fakto statusin e zyrtarëve të parekshëm nga ligji.
Zonja Prokurore e Përgjithshme,
Më datën 21 janar Aleks Nika iu përgjigje thirrjes së Partisë Socialiste dhe Opozitës së Bashkuar për të protestuar në bulevardin “Dëshmorët e kombit” së bashku me mijëra shtetas të tjerë, kundër korrupsionit, padrejtësisë, papunësisë dhe varfërisë. Aleksin e çuan në atë demonstratë bindjet e tij të shpallura politike, e drejta kushtetuese e mbledhjes , grumbullimit dhe protestës, si një e drejtë themelore e individit në shoqërinë demokratike. Ai nuk bëri asgjë të paligjshme e të pamoralshme, qëndroi në bulevard paqësisht me shokët e tij dhe aty e gjeti plumbi vdekjeprurës që u nis nga ndërtesa e kryeministrisë. Tani marrim vesh se kur mbërriti në spitalin ushtarak, e hodhën në korridor si një “ i vdekur kriminel” dhe vetën ndërhyrja e një miku të familjes sonë bëri të mundur që të trajtohej si njeri dhe të rikthehej provizorisht në jetë.
Atë natë të kobshme, falë gadishmërisë së disa mjekëve humanë, ne patën mundësi të merrnin shumë të dhëna nga skaneri për vrasjen e tij. Ne i kemi keto të dhëna të patjetersueshme. Edhe Prokororia i ka, por po të ketë nevojë, ne jemi të gatshëm t’ia vënë sërish ne dispozicion.
Kush dha urdhër për vrasjen e tij?
Kush qëlloi mbi të?
Provat për të shkuar drejt zbardhjes së kësaj vrasjeje janë të shumta. Rrallë ndodh që vrasjet kriminale të shtetasve të jenë kryer me kaq transparencë nga ana e forcave të armatosura brenda gardhit të kryeministrisë se sa vrasjet e 21 janarit. Dhe po kaq rrallë ka ndodhur që krimi i kryer në dritë të diellit të vijë duke u errësuar gjatë hetimit. Terorikisht dhe praktikisht, kjo ndodh vetëm kur hetimi vihet plotësisht nën thundrën e krimit.
Nuk duam të besojmë se gjerat kanë shkuar në ketë pikë në lidhje me vrasjet e 21 janarit. Sado që një mori faktesh dëshmojnë revanshin e krimit ndaj hetimit. Ne, si familje, jemi duke ndjekur më vemendje gjithçka që po ndodh, po thuhet e po shkruhet për “plumbat e prishur”, për armët që nuk po gjenden, për alibitë e “vrasjeve me rikoshet” e plot marifete e dridherira të tjera për ti lenë vrasjet pa autor!!!
Ne kërkojnë sërish nga ju zbardhjen e plotë, pa asnjë kompromis, të vrasjes së Aleksit.
Ne kërkojmë marrjen prej Jush të një asistence të fuqishme ndërkombëtare për çdo element të masakrës ku ju nuk kemi njerëz, mjetet apo forcë për të konkluduar profesionalisht.
E kam deklaruar ditën e funeralit të Aleksit dhe po e përsëris: ne jemi një familje me bindje të majta, aktualisht në opozitë. Kemi besuar e besojmë te pluralizmi dhe kushtetuta. Prandaj e kërkojmë drejtësinë për Aleksin nga Drejtësia. Por nëqoftese Drejtësia, nëqoftëse Ju dhe institucioni Juaj na lini pa përgjigje, domethënë na lini vetëm përballë krimit, në kushte vetëgjyqësie, kjo nuk është zgjidhja jonë, edhe nuk do të lejojmë që gjaku i Aleksit të bëhët ujë.
Me respekt
Mark Nika
Avokat, Lezhë
(gazetatema.net)
No comments:
Post a Comment