Devenport: Ideja e ndarjes së Kosovës ndikon në dialog

Ambasadori britanik në Serbi e sheh si jokonstruktiv propozimin më të ri të zëvendëskryeministrit, njëkohësisht ministër i Brendshëm serb. Ivica Daçiq propozon që mbi caktimin e kufijve të Kosovës, duhet folur me Shqipërinë.

"Ajo që nuk do të kontribuojë në suksesin e dialogut nuk është konstruktive”, tha Majkëll Devenport për mediat serbe. Ai ka shtuar se ideja e ndarjes ndikon në vetë dialogun.

“Natyrisht që gjithçka flitet nga politikanët në Serbi dhe në Prishtinë ka ndikim. Mendoj, se para se gjithash është e rëndësishme, që të gjithë të fokusohen në suksesin e dialogut. Ky është elementi kryesor”, ka nënvizuar Devenport.

(balkanwe.com)