Basha takim me rektorët, studentëve do t'u ofrohen disa shërbime falas

Studentëtë që kryejnë studimet në Tiranë do të kenë mundësinë që të përfitojnë disa shërbime falas. Kjo pas nismës së fundt të Bashkisë së kryeqytetit dhe rektorëve të Universiteteve Publike për të paisur këta të fundit me kartën e studentit.

Sipas kësaj nisme të gjithë të rinjtë që studiojnë në Tiranë do të pajisen me Kartën e Studentit, dokument që do të ofrojë për ata lehtësira të shumta financiare.

Kryetari i Bashkisë së Tiranës Lulzim Basha ka firmosur sot me rektorët e Universiteteve publike të kryeqytetit një marrëveshje për të pajisur të gjithë studentët me këtë kartë.

Në fjalën e tij kryebashkiaku Basha theksoi se karta e studentit është një nga premtimet e tij kryesore në fushatën e tij elektorale.

“Sot në përfundojmë një etapë të rëndësishme pasi nënshkruajmë marrëveshjen për kartën e studentit. Ashtu siç premtova, 100 ditëshit i parë do të shënonte edhe përfundimin e etapës për kartën e studentit dhe sot falenderoj bashkëpunëtorët e mi, të gjithë pjesëmarrës në këtë proces, trupën pedagogjike, studentët dhe përfaqësues të tyre që në kohë kaq të shkurtër bënë të mundur lëshimin e kartës së studentit për Bashkinë e Tiranës ” është shprehur Basha gjatë fjalës së tij.

“Karta ka qënë një nga prioritet më thelbësore. Sot mbyllim fazën e përgatitjes dhe hapin shtegun për përfundimin e databaze dhe nisin menjëherë kartën e studentit. Gjithë sistemi për funksionimin e kësaj do të jetë e kontrolluar” ka vijuar më tej ai.

Ndërkohë që Kryebashkiaku është shprehur se kjo kotratët dotë nënshkruhet edhe me drejtues të Universiteteteve private. /albeu.com/