Ata shkojnë atje në kërkim të një jete normale, pa postblloqe dhe konflikte me banorët izraelitë.
Jeta në periferinë luksoze të Amanit është shumë herë më e mirë se jeta që Shahinda El Kilani la pas në qytetin e lindjes, Hebron, të Bregut Perëndimor.
“Këtu ka siguri, ka stabilitet, nuk ka frikë. Fëmijët e mi mund të dalin dhe unë nuk jam e shqetësuar për ta”, thotë ajo.
Familja e saj është në mesin e mijëra palestinezëve të pasur me shtetësi jordaneze, që lanë Bregun Perëndimor, për të ndërtuar shtëpitë e tyre në Aman.
Palestinezët përbëjnë 50 deri 80 për qind të popullatës në Jordani, dhe mbajnë poste qeveritare.
El Kilani, si banorët e tjerë palestinezë, thotë se ndonëse ndjehet e sigurt këtu, ky nuk do të jetë kurrë vendi i saj.
Në Izrael, disa ultranacionalistë duan transferimin e Palestinezëve në Jordani.
Një peticion po qarkullon në internet, i cili i bën thirrje mbretit Abdullah që ta deklarojë Jordaninë një shtet palestinez.
Qeveria e Izraelit është distancuar nga ky peticion dhe palestinezët e kanë hedhur poshtë atë.
(www.gazetaexpress.com)
No comments:
Post a Comment