Hëna ka më shumë ujë nga sa mendohej.

Një studim i ri i botuar në gazetën Scientist raporton se shkencëtarët kanë zbuluar se uji në Hënë është brenda rruazave të vogla qelqore që gjenden të shpërndara në sipërfaqen e këtij planeti.

Mostrat e këtyre kristaleve të vogla qelqore, janë sjellë në Tokë në vitin 1972 nga misioni i fundit i njeriut në Hënë (Apollo 17).

Analizat e kampionëve të njëjtë sugjerojnë se mund të ketë 100 herë më tepër ujë në mbulojën hënore, shtresa e trashë shkëmbore poshtë kores së sipërfaqes, nga çfarë është menduar më parë.

Në fakt, mund të ketë po aq ujë në mbulojën hënore sa në atë të Tokës.

Nëse është kështu, sfidon një teori të gjatë rreth formimit të Hënës.

Pjesa më e madhe e ekspertëve besojnë se ka qenë një përplasje e madhe në historinë e Tokës që ka lëshuar materialin në hapësirë e që është krijuar Hëna nga ai.

Por forca e ushtruar duhet të kishte avulluar ujin e Hënës së ardhshme. Gjetja e sasive të mëdha të ujit në pjesën e jashtme të Hënës lëshon hije dyshimi mbi këtë ide.

(albeu.om)

No comments:

Post a Comment