Nëse jeni romantik dhe kënaqeni duke qëndruar me orë të tëra me qirinj të ndezur, duhet të dini se qirinjtë me aromë janë të dëmshëm për rrugët e frymëmarrjes, madje edhe ato që nuk kanë aromë nuk janë edhe aq të mirë për shëndet. Prandaj ekspertët paralajmërojnë që të kihet kujdes.Një studim i ri amerikan tregon se qirinjtë me aromë dhe aromat elektrike për ambiente, mund të përmbajnë qindra substanca kimike të dëmshme për organizmin, duke përmendur ftalatet - të cilat mund të shkaktojnë anomali të lindjes te foshnja ose probleme të sistemit riprodhues.
Si shembull për paralajmërim, ekspertët kanë përmendur rastin e një femre amerikane, e cila për shkak të fiksimit ndaj qirinjve aromatikë, ka zhvilluar astmë dhe ndjeshmëri të rritur ndaj aromave të substancave tjera.
Produktet të cilat i bëjnë shtëpitë tona me aromë të mirë, mund të shkaktojnë një numër të madh problemesh shëndetësore, ndërsa simptomat mund të dallojnë te personat e ndryshëm. Te disa paraqitet kollitje e lehtë, ndërsa te të tjerët mund të paraqitet një kruarje e rrezikshme e syve.
Ajrosja e rregullt e shtëpisë apo banesës është shumë më e rëndësishme sesa ‘maskimi’ i ambientit me aroma të ndryshme nga qirinjtë ose freskuesit e ajrit, të cilët përmbajnë substanca të rrezikshme.
(Telegrafi.com)
No comments:
Post a Comment