Me gomarë tërhoqi Range Roverin e prishur

Biznesmeni kinez mbushi ballinat e gazetave kineze, pasi që Range Roverin e tij të prishur e tërhoqi deri te përfaqësuesi zyrtar, shkruan Oddity Central.

Makina i prishej vazhdimisht dhe çdo muaj detyrohej ta dërgonte në servis. Më në fund i erdhi te hunda dhe “angazhoi” dy gomarë për ta tërhequr. Te përfaqësuesi zyrtar i Range Rover kërkoi që t’ia kthejnë të gjitha paratë që i kishte paguar për ta blerë makinën.

Kinezi makinën e tij luksoze e bleu vitin e kaluar për rreth 1.5 milionë juan. Prej asaj kohe makina iu prish gjashtë herë, ndërsa pas disa muajsh u detyrua t’ia ndërrojë motorin.

Kur iu prish për të shtatën herë, burrit nga Shenykani nuk i mbeti gjë tjetër përveç se të protestojë. Ngjiti një notë proteste në makinë dhe filloi ta tërheqë me ndihmën e gomarëve. Edhe pse aksioni i tij tërhoqi vëmendjen e medieve, zyrtarët e Roverit thanë se ai nuk mund t’i marrë prapë paratë e veta. /Telegrafi/