Dasma mbretërore në shifra

Nga shifra më e vogël, një unazë, tek shifra më e lartë, 2 miliardë teleshikues të pritshëm, ja disa shifra lidhur me dasmën e princit William me Kate Middleton :

- 1 unazë: ajo që William do të kalojë në gishtin e Kate, pasi ai vetë ka zgjedhur të mos mbajë një të tillë njësoj siç kishte bërë dhe gjyshi i tij, duka i Edimburgut.

- 2 torta dasme: torta tradicionale dhe ëmbëlsira me çokollatë e preferuara e William-it.

- 3 vjet: mosha e dy shoqërueseve të Kate, njëra nga të cilat është mbesa e Camilla Paker Bowles, gruaja e dytë e Çarlsit.

- 6 “ish” të William dhe Kate janë të ftuar në dasmë.

- 10 këmbana do të bien në abacinë Westminster gjysmë orë para ceremonisë dhe tre orë më pas.

- 14 gra për mbretin Mswati III i Svazilandit, i ftuar në dasmë si kreu i shtetit anëtar të Commonwealth-it

- 17 gradë do të jetë temperatura maksimale e pritur në Londër, ose afro 10 gradë më pak se gjatë fundjavës së pashkëve.

- 35 qenë me erë gjithandej, në kërkim të materialeve shpërthyese.

- 100 karroca pjesë e eskortës mbretërore, 5 nga të cilat do të përdoren ditën e dasmës.

- 775 dhoma në Buckingham Palace, nga të cilat 19 për pritje.

- 11.000 barriera sigurie për të kontrolluar turmën gjatë gjithë kortezhit.

- 2,5 milionë salsiçe koktej të shitura nga Marks and Spencer pranë festave në lagje të organizuara ditën e martesës.

- 3,5 milionë filxhanë të prodhuar me fotografinë e të sapomartuarve.