Fillon shpërndarja e dokumenteve nga konsullatat e Kosovës

Prishtine- Janë dhënë letërnjoftimet dhe pasaportat e para të Kosovës në Konsullatën e Kosovës në Berlin, ka njoftuar Ministria e Jashtme e Kosovës përmes një komunikate dërguar sot mediave.
I pranishëm në këtë ceremoni ishte edhe Ministri i Jashtëm, Enver Hoxhaj i cili po qëndron në Berlin për vizitë zyrtare.

Komunikata e citon Hoxhajn duke thënë se “13 misionet konsullore të Kosovës në vende të ndryshme të botës, janë plotësisht funksionale dhe në shërbim të plotë të bashkatdhetarëve tanë për t’i pajisur me dokumente të ndryshme identifikuese dhe për t’i ofruar shërbime të tjera të nevojshme.”

(panorama.com.al)