Pirja e duhanit ul inteligjencën

Të pish duhan është e dëmshme për shëndetin dhe kjo dihet tashmë, por një tjetër fakt kundër duhanit është zbuluar kohët e fundit. Sipas një studimi, të rinjtë më pak të dhënë pas studimeve, kanë më shumë mundësi të mësojnë vesin e pirjes së duhanit.

Studimin e ka bërë profesori Mark Weiser nga Universiteti i Tel Avivit, i cili ka studiuar shume raste në ushtrinë izraelite me 20 mijë meshkuj të grupmoshës 18-21 vjeç.

Mes tyre, 28 % konsumonin duhanin, 3 % ishin ish-duhanpirës dhe 68 % nuk kishin konsumuar asnjëherë cigare. Jo duhanpirësit e kishin testin e inteligjencës 101, ndërsa duhanpirësit 94, pra 7 pikë më pak. Ndërkohë, duhanpirësit më të mëdhenj e kishin koeficentin 90.

Këtë teori e kanë vërtetuar edhe dy binjakë, njëri prej të cilëve konsumonte duhan, ndërsa tjetri jo, ku i pari e kishte më të ulët nivelin e inteligjencës.

(albeu.com)