Numri i të lënduarve në shpërthimet në disa depo ushtarake në republikën ruse Udmurtia arriti në 42 persona. Tetëmbëdhjetë prej tyre janë hospitalizuar. Paraprakisht u kumtua për 28 të lënduar."Depot e granatave artilerike po digjen. Granatat po shpërthejnë nëpër gjithë rajonin e njësitit ushtarak", njoftoi Ministria ruse e Mbrojtjes.
Zëdhënësi i presidentit të Republikës Udmurtia, Viktor Çukov tha se shpërthimet e granatave do të zgjasin të paktën një ditë, por që intensiteti i shpërthimeve gradualisht po zvogëlohet dhe se nuk ka rrezik nëpër fshatrat e rrethinës.
Shpërthimet në depot për armë, në të cilat ruhen rreth 10.000 tonë granata artilerike, filluan dje në mbrëmje. Në territorin e depove po tërbohet zjarr i fuqishëm, shpërthimet vazhdojnë dhe zjarrfikësit tani për tani nuk mund të afrohen deri te ndërtesat të cilat janë në flakë.
Zjarri nëpër depo për municion në Udmurtia është i dyti në Rusi gjatë ditëve të fundit. Më 26 maj në republikën Bashkortostan u dogj një depo për armë. Pësuan 12 persona, u dogjën disa dhjetëra shtëpi në fshatin e afërt Urman
(24-ore.com)
No comments:
Post a Comment