Këshilla, të reja, ide, për një shtëpi të bukur e të rehatshme

Si të zgjidhni ngjyrën e duhur për muret e shtëpisë suaj.
Zgjedhja e një ngjyre, ndonjëherë është çoroditëse. Ngjyrat s’janë njëlloj, ndryshe duken shembujt që japin në dyqan dhe ndryshe në dhomën me dritë. Përdorni këto udhëzime për të zgjedhur me lehtësi.
Gjithashtu, kemi disa udhëzime, këshilla dhe truke se si të lyeni vetë muret e shtëpisë suaj.

• Një letër e ngjyrosur nga ato që të japin në dyqan, nuk të jep asnjë përshtypje, përkundrazi, mund të të japë përshtypje të gabuar. Vendosni një shirit me ngjyrë të bardhë për të izoluar efektin e ngjyrave që janë përbri ngjyrës që keni zgjedhur për të parë.

• Blini tri teste për t’i parë tamam në mure të ndryshme të shtëpisë. Boja duket ndryshe pasi thahet, pra lëreni të thahet për të parë më vonë se si duken.

• Luani me ngjyrat online. Ka plot programe, me të cilat do të mund të shihni vetë mostra të ndryshme dhe të përcaktoni ngjyrat.

• Nëse dëshironi letër muri, blini vetëm një mostër të vogël të një bobine, për të bërë një herë për provë se si duket në përshtatje me dhomën.

• Gjithmonë blini bojë ose letër muri, në të njëjtin dyqan. Është më mirë, sepse mund të ktheni kutitë e bojës apo bobinat e letrës së murit.

Vegla cilësore dhe truke profesionale

Për një lyerje të mirë, zgjedhja e furçës (forma, dimensionet, tipi i qimeve dhe cilësia) është thelbësore. Një që është cilësore ka qime (kafshësh dhe sintetike) të buta, fleksibël dhe me densitet, të ngulura mirë në dorezë dhe kjo e fundit të jetë komode në përdorim.
Ato ekonomike kanë ndonjëherë disavantazhin që qimet i shkëputen dhe ngjiten në mur bashkë me bojën.
Ruli është mirë për sipërfaqet e mëdha, por nuk përdoret shpejt, sepse kështu prodhon shumë spërkatje, çikla të vogla.
Furçat e sheshta përdoren për sipërfaqet e vogla, duke lyer në fillim horizontalisht, pastaj vertikalisht.
Tamponët që lënë një gjurmë të mirë, pa pikime apo rrjedhje, ngjyhen mirë me bojë në pajisje ruli të posaçme. Ekzistojnë tamponë të dimensioneve të ndryshme.

- Për mure të reja, janë të këshillueshme produkte që “djersisin” dhe që mund të lahen. Për mura me njolla apo aty ku bie gjithmonë drita e diellit, e mira është të zgjidhni trajtime specifike, si psh. anti-lagështirë ose anti-njollë.
- Përpara se të lyeni, gruponi të gjitha gjërat që duhen, shkallë, furça, rula, lecka për të pastruar, gazeta, për të menaxhuar me lehtësi bojën që mund të derdhet sadopak.
- Fillohet nga pikat kritike dhe nga tavani.
- Boja në mure fillohet aty ku vendosen më tepër duart, d.m.th., me një furçë të vogël të sheshtë, (përveç pjesëve të stukuara), lyeni përgjatë anëve të tavanit, anëve të derës, këndeve, pragjeve.Fillohet nga tavani, nga cepat deri në mes, për të evituar vijat e mundshme. Gjithmonë nga tavani fillohet për të evituar pikat e bojës që mund të bien tek muret që do ishin të lyera në fillim.
- Dora e fundit vihet në drejtim të burimit të dritës.
Pas një dore, sipërfaqet duhet të thahen, pastaj të lyhet dora tjetër. Kjo është thelbësore. Edhe te muret, si te tavani, fillohet nga burimi i dritës, po ashtu dhe dora e fundit.

(panorama.com.al)

No comments:

Post a Comment