Hapet ekspozita e pikturës

Në kuadër të aktiviteteve të ndryshme që po mbahen për nder të 12-vjetorit të çlirimit të Prishtinës, Qendra e Rinisë-Prishtinë “PYC” me mbështetje të sektorit të rinisë pranë Kuvendit Komunal të Prishtinës, të shtunën, ka hapur ekspozitën e pikturës në sheshin “Nëna Terezë”.

Arbëresha Bytyçi, menaxhere e projektit, ka thënë se në këtë ekspozitë janë prezantuar 35 piktura me mesazhe të ndryshme, të punuara nga talentët e rinj.

“Qëllimi i kësaj ekspozite është pikërisht 11 qershori, Dita e Çlirimit të Prishtinës. Vullnetarët e Qendrës rinore, me anë të punimeve të cilat i kanë bërë nëpër aktivitete të ndryshme rinore, kanë vendosur që sot t’i paraqesim këto piktura, në mënyrë që t’i shikojnë edhe të tjerët”, ka thënë Bytyqi.

Qendra e Rinisë-Prishtinë “PYC”, në orët e mbrëmjes, në hollin e Teatrit Kombëtar të Kosovës, ka mbajtur edhe një aktivitet tjetër për nder të Ditës së çlirimit të Prishtinës, në të cilin ka shfaqur 25 fotografi të Prishtinës se vjetër

(gazetaexpress.com)