Ban Ki Moon, ruan fronin e OKB-së

Këshilli i Sigurimit i Kombeve të Bashkuara ,ka mbështetur sot unanimisht zgjedhjen edhe për një mandat të Ban Ki Moon-it, në postin suprem të Sekretar të Përgjithshëm të OKB-së, duke ia dërguar rekomandimin përkatës Asamblesë së Përgjithshme për miratim.

Vlerësohet se 65-vjeçari Ban Ki Moon, do të zgjidhet Sekretar i Përgjithshëm në mbledhjen e Asamblesë së Përgjithshme të OKB-së, pasi ai mbështet nga të 15 anëtaret e Këshillit të Sigurimit, përfshirë edhe pesë anëtaret e përhershme të saj, me të drejtë vetoje.

“Këshilli i Sigurimit ka shqyrtuar çështjen e rekomandimit për nominimin e Sekretarit të Përgjithshëm të Kombeve të Bashkuara dhe i rekomandon Asamblesë së Përgjithshme që Ban Ki Moon të zgjidhet edhe për një mandat tjetër, prej 1 Janarit 2012 deri më 31 Dhjetor 2016”, thuhet në rezolutën e miratuar.

Shënohet se Sekretari aktual i OKB-së, nuk pati asnjë rival për mandatin e ri.

Mandati i tanishëm pesëvjeçar, diplomatit koreanojugor, i skadon më 31 Dhjetor të këtij viti.

(albanews.gr)