Kryeministri Sali Berisha në një konferencë për shtyp të mbajtur pasditen e sotme deklaroi se ligji shqiptar nuk e njeh rezultatin paraprak, nga i cili Rama u vetëshpall fitimtar. Vetëm rezultati përfundimtar do të shpallë kandidatin fitues, u shpreh Berisha.
“Vendi, kombi kaloi një proces zgjedhor ndër më dinjitozët në tërë historinë e tij, në prani të mijëra vëzhguesve vendas e të huaj qytetarët shqiptarë nuk votuan me votë për lule të ballit por për kandidatin që deshën. Këto vota u vlerësuan, u numëruan para të gjithë shqiptarëve, madje pati kuti që mediat i numëruan live.
Në rast se procesi në të gjithë vendin nuk shënoi as edhe konfliktualitetin më të vogël, në Tiranë ndodh e kundërta. Në datë 14 maj, të 11 minibashkitë e Tiranës përfunduan numërimin e votave dhe dhanë një rezultat i cili në momentin më të fundit nxorri kandidatin e PS me 10 vota para, kjo ndodhi dhe ndryshimi i shifrave në KQZ ka qënë i faktuar dhe asnjë manipulim nuk ka pasur. Por
ligji shqiptar nuk ka autorizuar KQZ-në të shpallë rezultat paraprak, ky rezultat nuk është vënë në diskutim por nuk mund të shpallet zyrtarisht, se ligji nuk ia ka dhënë këtë autoritet KQZ-së. Ligji e autorizon të shpallë vetëm rezultat përfundimtar dhe këtë mund ta bëjë pas shqyrtimit të ankesave”, u shpreh Kryeministri Berisha.
Pikërisht shqyrtimi i fletëve të kontestuara sipas kryeministrit Berisha është përmbushje e ligjit të hartuar nga PD dhe PS. Nuk mund të mos numërohen këto fletë që shprehin vullnetin e popullit, shtoi kreu i qeverisë, ndërsa tha se aktualisht KQZ-ja po funksionon si komision zonal.
“Ligji u hartua nga PS-PD. KQZ po numëron votat e panumëruara, duke funksionuar si Komision zonal. Po bën detyren më themelore. Votat e ngatërruara nga njerëz që kanë probleme serioze me dallimin e ngjyrave, nuk mund të mos numërohet vullneti i popullit. Qendrimi ultimativ i PS vjen se Rama do të shpallet fitimtar vetëm me rezultatin paraprak”, nënvizoi Berisha.
Kreu i qeverisë i bëri thirrje kryeopozitarit Rama të heqë dorë nga thirrjet e tij ultimative, pasi institucioni i KQZ-së që ata duan të sulmojnë, sic tha Berisha funksionon dhe po merr vendime vetëm në bazë të ligjit.
“Rama dhe lejtnantët e tij thirrje për agresion verbal. U vërsulën si primitivë mbi kokat e policëve. Kërcënuan fizikisht kreun e KQZ-së dhe bënë plane për të djegur fletët e votimit. Përgjigja jonë është vetëm ligji dhe shteti ligjor. KQZ po zbaton ligjin dhe mbrohet nga shteti”, tha Berisha.
(BalkanWeb.com)
“Vendi, kombi kaloi një proces zgjedhor ndër më dinjitozët në tërë historinë e tij, në prani të mijëra vëzhguesve vendas e të huaj qytetarët shqiptarë nuk votuan me votë për lule të ballit por për kandidatin që deshën. Këto vota u vlerësuan, u numëruan para të gjithë shqiptarëve, madje pati kuti që mediat i numëruan live.
Në rast se procesi në të gjithë vendin nuk shënoi as edhe konfliktualitetin më të vogël, në Tiranë ndodh e kundërta. Në datë 14 maj, të 11 minibashkitë e Tiranës përfunduan numërimin e votave dhe dhanë një rezultat i cili në momentin më të fundit nxorri kandidatin e PS me 10 vota para, kjo ndodhi dhe ndryshimi i shifrave në KQZ ka qënë i faktuar dhe asnjë manipulim nuk ka pasur. Por
ligji shqiptar nuk ka autorizuar KQZ-në të shpallë rezultat paraprak, ky rezultat nuk është vënë në diskutim por nuk mund të shpallet zyrtarisht, se ligji nuk ia ka dhënë këtë autoritet KQZ-së. Ligji e autorizon të shpallë vetëm rezultat përfundimtar dhe këtë mund ta bëjë pas shqyrtimit të ankesave”, u shpreh Kryeministri Berisha.
Pikërisht shqyrtimi i fletëve të kontestuara sipas kryeministrit Berisha është përmbushje e ligjit të hartuar nga PD dhe PS. Nuk mund të mos numërohen këto fletë që shprehin vullnetin e popullit, shtoi kreu i qeverisë, ndërsa tha se aktualisht KQZ-ja po funksionon si komision zonal.
“Ligji u hartua nga PS-PD. KQZ po numëron votat e panumëruara, duke funksionuar si Komision zonal. Po bën detyren më themelore. Votat e ngatërruara nga njerëz që kanë probleme serioze me dallimin e ngjyrave, nuk mund të mos numërohet vullneti i popullit. Qendrimi ultimativ i PS vjen se Rama do të shpallet fitimtar vetëm me rezultatin paraprak”, nënvizoi Berisha.
Kreu i qeverisë i bëri thirrje kryeopozitarit Rama të heqë dorë nga thirrjet e tij ultimative, pasi institucioni i KQZ-së që ata duan të sulmojnë, sic tha Berisha funksionon dhe po merr vendime vetëm në bazë të ligjit.
“Rama dhe lejtnantët e tij thirrje për agresion verbal. U vërsulën si primitivë mbi kokat e policëve. Kërcënuan fizikisht kreun e KQZ-së dhe bënë plane për të djegur fletët e votimit. Përgjigja jonë është vetëm ligji dhe shteti ligjor. KQZ po zbaton ligjin dhe mbrohet nga shteti”, tha Berisha.
(BalkanWeb.com)
No comments:
Post a Comment