Gjatë një konference për mediat nga selia blu, Basha ka falenderuar komisionerët për punën e mirë që kanë bërë, në shërbim të një procesi të regullt e korrekt.
”Falenderoj gjithë komisionerët, numëruesit dhe vëzhguesit që kanë punuar për një proces të rregullt e korrekt. E di që shumë prej jush janë të lodhur. Ne kemi parë dhe po shohim demokracinë të funksionojë”- ka thënë Basha, duke shtuar se ka ende shumë vota për t’u numëruar.
Ai ka shprehur vendosmërinë për të pritur numërimin korrekt dhe të ndershëm. “Qytetarët pavarësisht bindjeve e meritojnë, është koha të bashkohemi rreth interesit qytetar, sepse të gjithë duam që cdo votë të numërohet dhe rezultati të reflektojë votën”- ka thënë ai.
Basha ka pranuar se tendenca shkon në drejtimin e tij dhe ai mbetet i sigurt në fitore, por ka kërkuar përkushtim deri në numërimin e votës së fundit. “Asnjë kandidat nuk duhet të paragjykojë rezultatin pa u numëruar edhe vota e fundit”- tha ai, duke inkurajuar komisioneret të vazhdojnë pa vonesa dhe pengesa për ta përmbyllur procesin sa më shpejt.
(panorama.com.al)
No comments:
Post a Comment