Kutite, gjenden mbi 100 vota per Bashen

Gjate numerimit te votave per minibashkite, proces qe ka nisur dje, kane rezultuar deri ne mesnate, te pakten 100 vota te dhena per Lulzim Bashen, por qe gjate procesit te votimit, jane ngaterruar nga qytetaret duke i hedhur ne kutite jo per kryetarin e bashkise se madhe por te kryetarit te minibashkise. Ngaterresa ne futjen e fletevotimeve qe ishin kater ku secila futej ne nje kuti te caktuar, ne fakt pritet te marre permasa me te medha, pasi shume njerez gjate dites se votimit dhe me tej, thane se ishin te painformuar per menyren e votimit, menyren e hedhjes se votes dhe u ankuan per faktin se ngjyra sinjalizuese e cdo fletevotimi, ishte e perafert me njera-tjetren.

Nga informacioni i marre dje ne KZAZ-te e njesive 6 dhe 7, si edhe KQZ, behet e ditur se vetem ne hapjen e kutive te para per njesite bashkiake, pikerisht tek KZAZ tek kutite ku hidhet vota per kryetarin e minibashkise, jane gjetur te pakten 100 vota te cilat ishin dhene per kryetarin e bashkise se madhe, duke bere si zgjedhje te tyre ne votim, kandidatin Lulzim Basha.

Nisur nga ky fakt, kandidati Basha sipas ligjit, ka kerkuar qe keto vota te perfshihen ne totalin e votave qe ka marre ai si kandidat per kryetarin e Bashkise se Tiranes. Ne kete menyre, Basha vetem me votat qe jane gjetur gjate nisjes se procesit te numerimit, shenon nje avantazh prej te pakten 90 votash perballe rivalit Edi Rama. Ne fakt, keto fletevotimi, nuk mund te perfshihen ne fletevotimi te pavlefshme per arsye se vullneti i votuesit eshte ai qe ka rendesi. Ne momentin qe zgjedhesi e ka shprehur vullnetin e tij me vote, ngaterresa ne hedhjen te kutite, nuk mund t'i heqe asnje qytetari te drejten e vlefshmerise se votes.

Lidhur me kete fakt, deputeti Arben Imami i cili ndodhet si vezhgues ne KZAZ e Njesise nr 7, tha mbreme se kishin konstatuar se disa fletevotimi qe ishin vota per kryetarin e bashkise se madhe ishin hedhur ne kutite per kryetar minibashkie. Ai pohoi se behet fjale per nje gabim njerezor ne hedhjen e votes ne kuti te ngaterruar ndaj beri thirrje qe te ndermerrte shpallja e tyre e vlefshme.

Nderkohe fakti i ngaterreses se kutive te kryetarit te bashkise me kutine per kryetar minibashkie eshte pranuar mbreme edhe nga deputetja e Partise Socialiste, Vasilika Hysi e cila gjithsesi shtoi se ne keto raste fletevotimet duhet te shpallen te pavlefshme.

Nderkohe Bujar Elezi, kryetar i KZAZ-se ne Njesine nr 7, tha se lidhur me kete konstatim do te mbahet nje procesverbal.

Sakaq Komisioni Qendror i Zgjedhjeve e konsideroi dje pasdite te pakuptimte rezultatin paraprak te zgjedhjeve vendore per kryetarin e Bashkise se Tiranes, duke e argumentuar me faktin se te tille e ben diferenca me vetem 10 vota ne favor te njerit kandidat, qe sipas KQZ-se mund te jete edhe per efekt te gabimeve njerezore, edhe pse me nje marzh te vogel.

Ne kete kontekst ne nje konference per mediat, zedhenesi i KQZ-se Arti Lushi, sqaroi se KQZ do te shpalle fituesin e gares zgjedhore per Tiranen vetem pas shqyrtimit te te gjithe procesverbaleve dhe tabelave te rezultateve te komisioneve te Qendrave te Votimit.

Sipas KQZ-se edhe ligji ia jep kete te drejte te shpalljes se fituesit vetem pas shqyrtimit te tabelave te rezultateve te komisionit te Qendrave te Votimit. Zedhenesi i KQZ-se beri me dije se Komisioni Qendror i Zgjedhjeve ka nisur punen per verifikimin e cdo procesverbali te komisioneve te Qendrave te Votimit me tabelat e rezultateve te QV-ve dhe se do te shpalle kryebashkiakun e ri te Tiranes vetem pas perfundimit te ketij shqyrtimi.

(www.kohajone.com)