Bursat kanë rreth një javë që po jetojnë nën një efekt të ri, që ka më pak presion mbi çmimet. Ajo që ka ndodhur në bursën e naftës nga ekspertët ndërkombëtarë po quhet si efekti “Bin Laden” dhe lidhet me uljen e çmimeve të naftës. Në kohën kur në bursën e Londrës një fuçi naftë kapi pikun e 130 dollarëve për fuçi dhe kur frika po mbështetej nga zëra që një fuçi mund të arrinte edhe 150 dollarë, ndodhi edhe mrekullia. Nafta u ul menjëherë në nivelin 120 dollarë, më pas 113 dollarë dhe dje ajo u tregtua me 109 dollarë. Për ekspertët ndërkombëtarë, më datë 1 maj bota u zgjua me një regjim të ri të çmimeve të naftës, që pas lajmit për vdekjen e Bin Ladenit. Po cili në fakt është efekti i kësaj ngjarjeje në tregjet ndërkombëtare dhe në bursa? Për shumë prej ekspertëve, në botë nuk ndodhi asgjë për të rënë çmimi i naftës kaq shumë brenda një jave. “Asgjë fondamentale nuk ndodhi mes së premtes dhe së hënës për të justifikuar një rënie prej 3 dollarësh”, shprehet Stefen Shork, publikues i një prej raporteve më të rëndësishme të energjisë Shork report. “Kjo thjesht tregon fuqinë e spekulimeve në këtë treg”, shprehet ai. Por duket se lavdia e çmimeve të ulëta do të zgjasë pak, sepse me rimëkëmbjen e ekonomisë amerikane dhe me rritjen e kërkesës për naftë si nga kjo e fundit ashtu dhe nga vendet e Azisë, rritja do të rikthehet edhe një herë. Të prekur nga rritja në këto tregje janë shumica e vendeve importuese dhe një prej tyre është edhe Shqipëria. Për vendin tonë çmimi mbi 170 lekë për litër për naftën tashmë është statik dhe i palëvizshme duke u quajtur një “standard” i ri çmimi. Çmimet në përgjithësi duket të kenë rënë dhe nuk janë më në nivelet 180 lekë për litër që arritën më herët dhe që shkaktuan edhe rënien e kërkesës në vend sipas konfirmimeve të importuesve.
130 dollare fuçia u shit nafta në nivelin e saj rekord në bursën e Londrës, sipas së cilës e bën importin edhe Shqipëria. Kjo bursë pësoi një rritje ekstreme pas trazirave në Siri, Jordani, Egjipt.
130 dollare fuçia u shit nafta në nivelin e saj rekord në bursën e Londrës, sipas së cilës e bën importin edhe Shqipëria. Kjo bursë pësoi një rritje ekstreme pas trazirave në Siri, Jordani, Egjipt.
(panorama.com.al)
No comments:
Post a Comment